Дебелината ја чини Британија повеќе од војна!

Добивај вести на Viber

Според најновиот извештај на британската влада, дебелината оваа земја ја чинар 47 милијарди фунти годишно.

Тоа значи дека проблемот со дебелината во Британија на годишно ниво чини повеќе од војни и борби против тероризмот, за кои од буџетот се издвојуваат околку 43 милијарди фунти.

Британското здравство дава повеќе пари само на болести предизвикани од пушењето - 57 милијарди фунти годишно.

Според студијата која ја направил o „McKinsey Global Institute” (MGI), глобалниот економски проблем поради дебелината е се поголем. „Со пушење и вооружени судири, дебелината денеска е најголем економски проблем за кој луѓето се директни виновници“, се вели во студијата.

За актуелниот проблем со дебелината, студијата ја обвинува политиката на британската влада за која се вели дека е „нецелосна“. Исто така се наведува „дека вниманието  посветено на превенција од дебелина е релативно мало, со оглед на големината на проблемот“.

MGI извештајот предлага итна акција на британската влада, произведувачите и продавачите на храна, предлагајќи серија нови мерки. Тие вклучуваат контрола на големината на порцијата на брза храна, воведување здрави оброци во училиштата и фирмите, како и зголемена физичка активност во институциите на образованието.

Според сегашните податоци, годишната потроувачка на превенција од дебелина во Британија изнесува 638 милиони фунти.

Од друга страна, државата троши 6 милијарди фунти годишно на лечење болести предизвикани од дебелина, а уште 10 милијарди фунти се трошат на лекување од дијабетес.

На светот 2,1 милијарди луѓе се дебели. Студијата вели дека до 2030 година може да се случи половина од светската популација да има проблем со вишокот килограми.