17 Март, 2025
0.0424

Дел од граѓаните уште немаат одговори на приговорите, од Финансии уверуваат - сите што заслужуваат, картичката ќе ја добијат до 18 јули

Објавено во: Економија 06 Јули, 2020 11:27

Добивај вести на Viber

Дел од граѓаните се жалат дека се уште немаат добиено одговори од Владата за домашната платежна картичка. 

„Уште веднаш кога не добив известување дека ќе ја добијам домашната платежна картичка, испратив приговор на мејлот што беше оставен за таа намена, со образложение дека ги исполнувам условите, бидејќи завршив четврта година средно образование. А како што точно е наведено од Влада, нас на средношколците ни следува домашна платежна картичка“, вели една средношколка. 

Од Министерството за финансии уверуваат дека сите граѓани на кои им следува картичката, односно ги исполнуваат условите, ќе ја добијат најдоцна до 18 јули. 

„Надлежните институции, како што е Министерството за образование и наука, како и Фондот за здравство, се уште ги проверуваат базите на податоци. Дал од институциите веќе одговорија, и за голем број граѓани на кои им се уважени приговорите, картичките веќе им се одобрени и испечатени“, велат од Министерството за финансии. 

Вкупниот број картички што треба да ги добијат граѓаните е 324.500 картички. 

Инаку, за домашните платежни картички беа испратени 50.000 мејлови, но од нив, како што велат од Финансии, близу половината, односно околу 20.000, биле прашања, за некои нејаснотии што ги имаат граѓаните околу картичките, а не конкретни приговори. На овие мејлови е веќе одговорено, велат од министерството.

За тоа колку приговори се веќе одговорени и колку картички се испечатени, денеска планира да објави министерката за финансии, Нина Ангеловска, откако ќе ги добие потребните статистики. 

А некои од граѓаните испратиле и мејлови на приговори, а не ги исполнуваат условите. 

„Имавме случаеви на пример, некој што е невреаботен а се пријавува во Агенцијата на шест месеци, што значи дека не е активен барател на работа, да реагира зошто не ја добил картичката, а со Уредба на Владата јасно е кажано дека картичките ги добиваат оние што се активни баратели на работа. Што значи дека тој граѓанин не исполнува услови да ја добие картичката“, објаснуваат од Финансии.

Или, имало реакции од вонредни студенти, кои исто така не ги исполнуваат условите за картичката од 3.000 денари. 

Н.Н.Ф.

Можеби ќе ве интересира

АЛБАНИЈА ЗАБРЗАНО СЕ РАЗВИВА: Дали македонските граѓани одат таму на печалба?

АЛБАНИЈА ЗАБРЗАНО СЕ РАЗВИВА: Дали македонските граѓани одат таму на печалба?

ДОНЕРОТ ЌЕ ЧИНИ „САМО“ 12 ЕВРА, КИРИЈА ЗА ЗАЕДНИЧКА СТУДЕНТСКА СОБА 800 ЕВРА: Енормно поскапување во Германија

ДОНЕРОТ ЌЕ ЧИНИ „САМО“ 12 ЕВРА, КИРИЈА ЗА ЗАЕДНИЧКА СТУДЕНТСКА СОБА 800 ЕВРА: Енормно поскапување во Германија

ГОЛЕМИТЕ ПРОИЗВОДИТЕЛИ НА АЛКОХОЛ СМИСЛУВААТ АЛТЕРНАТИВИ: Построги правила за царините на Трамп

ГОЛЕМИТЕ ПРОИЗВОДИТЕЛИ НА АЛКОХОЛ СМИСЛУВААТ АЛТЕРНАТИВИ: Построги правила за царините на Трамп

И ТЕСЛА СЕ ПЛАШИ ОД ЦАРИНИТЕ: САД внимателно да ја разгледаат својата трговска политика

И ТЕСЛА СЕ ПЛАШИ ОД ЦАРИНИТЕ: САД внимателно да ја разгледаат својата трговска политика

УНИШТЕНИ ДЕСЕТИНА КИЛОГРАМИ НЕБЕЗБЕДНА ХРАНА! Еве што велат од АХВ

УНИШТЕНИ ДЕСЕТИНА КИЛОГРАМИ НЕБЕЗБЕДНА ХРАНА! Еве што велат од АХВ

ПРОПАДНА БАНКА ВО ГЕРМАНИЈА: Засегнати илјадници клиенти, што ќе биде со нивните пари?

ПРОПАДНА БАНКА ВО ГЕРМАНИЈА: Засегнати илјадници клиенти, што ќе биде со нивните пари?

НАЈДОА НАЧИН КАКО ДА ГИ ЗАОБИКОЛУВААТ САНКЦИИТЕ: Русите користат криптовалути во трговијата со Кина и Индија

НАЈДОА НАЧИН КАКО ДА ГИ ЗАОБИКОЛУВААТ САНКЦИИТЕ: Русите користат криптовалути во трговијата со Кина и Индија

Претседателот на Стопанска комора Бранко Азески на средба со претседателот на ЗЕЛС и градоначалник на општина Кисела Вода Орце Ѓорѓиевски

Претседателот на Стопанска комора Бранко Азески на средба со претседателот на ЗЕЛС и градоначалник на општина Кисела Вода Орце Ѓорѓиевски

НОВИ ШОКОВИ: Расте цената на златото, прогнозираната граница е достигната

НОВИ ШОКОВИ: Расте цената на златото, прогнозираната граница е достигната