Денес се навршуваат 20 години од геноцидот во Сребреница

Добивај вести на Viber

Босна одбележува дваесет години од геноцидот во Сребреница денес. Остатоците на 136 неодамна идентификувани жртви ќе бидат погребани во меморијалниот центар до остатоците на другите над 6.000 муслимани, убиени во 1995 година, се очекува околу 50 000 луѓе да присуствуваат на церемонијата.

За време на војната во Југославија илјадници муслимански мажи и момчиња беа убиени од босанските Срби, откако тие ја презедоа контролата врз Сребреница. Тоа е најголемото убиство на европска почва од Втората светска војна наваму.

На церемонијата се очекува да дојде и премиерот на Србија, Александар Вучиќ. Белград не го признава извршениот геноцид. Пред неколку дена на барање на Србија, Русија стави вето на резолуцијата користејќи ја оваа дефиниција, во Советот за безбедност на ОН. Двата меѓународни судови се решени дека масакрот во Сребреница бил „геноцид“. Во 2005 година тогашниот претседател на Србија Борис Тадиќ присуствувал на 10-годишнината од трагедијата. Тој беше првиот српски лидер, кој дошол на церемонијата.

Меѓу политичарите кои ќе присуствуваат, се еврокомесарот за надворешна политика Федерико Могерини и Бил Клинтон, кој беше претседател на САД за време на војната и чија администрација посредува за Дејтонскиот договор.