Денеска официјално стартува со работа македонската тајна агенција „што нема да прислушкува“
Објавено во: Македонија 01 Ноември, 2018
Денеска официјално стартува со работа ОТА, новоформираната македонска агенција со со што треба да се стави крај на злоупотребите со прислушкувањето и ќе гарантира дека нема да има нелегални активности во земјата.
Ова дејност порано ја извршуваше Управата за безбедност и контра-разузнавање, но граѓаните изгубија доверба во истата опткако од таму беа извлечени „бомбите“ и СЈО го отвори случајот „Таргет-тврдина“ со обвинение дека биле прислушувани 20.000 субјекти.
Сите истражувања покажуваат дека повеќе граѓани се оние кои се уште сметаат дека им се снимаат разговорите на мобилните телефони и други уреди, а помалку се оние кои не веруваат во тоа.
Директорот на ОТА, Зоран Ангеловски пред собраниската Комисија за надзор информираше дека целокупната опрема е веќе пренесена од УБК во ОТА
Едно од суштинските нови правила на сигурност е дека вработените во ОТА нема да можат да собираат податоци и да слушаат, туку само ќе можат да го вклучат сигналот на барање на обвинителството. Од друга страна, барателот ќе може само да слуша и да собира податоци, но не ќе може да приклучува, со што се избегнува можноста од злоупотреба.
Засега Агенцијата ќе биде сместена во зградата на Телеком. Пратениците од Собранието ќе може да вршат надзор без најава, а исто така и граѓански совет ќе ја врши контролата но со претходна најава.