ДЕНОТ КОЈ ГО ПРОМЕНИ СВЕТОТ, ЦЕЛА ГОДИНА КРВАВА ВОЈНА: И Киев и Москва се убедени во победа

Добивај вести на Viber

И по цела година беспоштедно крвопролевање, Киев и Москва се убедене во своја победа. Украинскиот претседател Володомир зеленски се обрати до јавноста нагласувајќи дека Украинците на крајот ќе победат.

-Пред една година на денешен ден, од ова исто место околу седум часот наутро, ви се обратив со кратка изјава, која траеше само 67 секунди, рече тој во петнаесетминутниот говор, со празнична музика во позадина. „...ние сме силни. Подготвени сме на се. Ќе ги победиме сите. Вака започна 24 февруари 2022. Најдолгиот ден во нашите животи. Најтешкиот ден во нашата понова историја. Се разбудивме рано и оттогаш не спиев. Но по цела година станавме една голема армија, во која сите придонесуваат“, рече Зеленски, кој одигра клучна улога во собирањето финансиска и воена помош од целиот свет за одржување на одбраната на Украина од многу поголема армија

„Главниот заклучок е дека преживеавме. Ние не сме поразени. И ќе направиме се за да победиме оваа година“, заклучи тој.

Порака стигна и од Москва. Поранешниот руски претседател Дмитриј Медведев денеска изјави дека единствениот начин Москва да „обезбеди траен мир“ е да ги помести сопствените граници што е можно подалеку.

„Нема да застанеме“; Украина: „Нема да застанеме“. И тоа е тоа...

Ова го напиша Медведев на Телеграм по повод годишнината од почетокот војната.

„Помина една година од почетокот на специјалната операција. Помина една година откако нашите војници воспоставија ред, мир и правда во нашата земја и го заштитија нашиот народ и ги уништија корените на неонацизмот. Ќе постигнеме победа. Сите сакаат тоа да се случи, што е можно поскоро. Потоа ќе следат преговори, кои, сигурен сум, ќе бидат тешки и полни со нервоза. Пред се затоа што формалните учесници во преговорите од страната на нашите непријатели се едно, а нашите лидери се нешто целосно различно. Киев нема да ги носи одлуките. Ќе ги носат тие што ќе испратат оружје и пари за Киев за да се одржат во живот остатоците од украинската економија“, рече Медведев во изјавата.