Дали Вашингтон е способен да ја запре израелската агресија врз Либан?

Добивај вести на Viber

Ал Џезира им постави неколку прашања на голем број експерти за надворешната политика на САД кон Блискиот Исток за силата и ефективноста на влијанието на Вашингтон врз страните во конфликтот.

Додека високите американски претставници продолжуваат да ја нагласуваат потребата од дипломатско решение на прашањето за натамошна ескалација во регионот, кој се соочува со израелска агресија врз Либан и континуирана агресија врз Појасот Газа, Соединетите Американски Држави (САД) и други земји предложија иницијатива која повикува на 21-дневен прекин на огнот меѓу Израел и Хезболах.

Повикот за договор, со кој би се избегнало поширок конфликт меѓу двете страни, доаѓа во време кога генералите на израелската армија бараат од војниците да се подготват за можна инвазија на Либан. Барањето на Хезболах да се запре агресијата врз Газа, за да се согласи да се прифати каков било договор за прекин на огнот, ги намалува шансите за успех на сегашните дипломатски потези.

За време на телевизиско гостување, американскиот претседател Џо Бајден предупреди на можноста за „тотална војна“ на Блискиот исток, но рече: „Исто така, верувам дека се уште постои можност да се постигне решение што може радикално да го промени целиот регион“.

Ал Џезира праша голем број експерти за американската надворешна политика кон Блискиот Исток за силата и ефективноста на влијанието на Вашингтон врз страните во конфликтот и дали има смисла да се комбинира прашањето за Движењето на исламскиот отпор (Хамас) и Хезболах во еден договор?

Влијанието на Бајден

На овие прашања одговори и Дејвид Дес Рочес, професор по безбедносни студии на Универзитетот за национална одбрана на Министерството за одбрана и поранешен функционер на НАТО и Министерството за одбрана на САД, кој смета дека Бајден нема никакво влијание врз актерите во регионот. Тој посочува дека Бајден е целосно маргинализиран во својата партија и администрација, но и на меѓународната сцена.

Дес Рош додаде дека не би било паметно да се поврзат прашањата за прекин на огнот во Газа и Либан, објаснувајќи дека динамиката и мотивите на страните вклучени во ова прашање се значително различни. Иран ја гледа Газа како извор на вознемирување за Израел, а Хезболах како гаранција против израелскиот напад врз иранската нуклеарна програма.

Дес Рош додава дека Израел, исто така, ја доживува Газа како голема закана за безбедноста, која треба да се ограничи, бидејќи подоцна може да изврши ограничени напади врз Израел, а потоа да се повлече. Што се однесува до Хезболах, Израел смета дека оваа организација е во состојба да спречи нормализирање на животот во големи делови од Израел.

Амбасадорот Дејвид Мек, поранешен помошник државен секретар за Блискиот Исток, поранешен амбасадор во Обединетите Арапски Емирати и моментално експерт во Атлантскиот совет, не се согласува со Дес Рош за влијанието што Бајден го има во оваа криза. Тој истакнува дека Бајден има големо влијание врз израелските носителите на одлуки.

Пратки на оружје

Мек истакна дека американскиот закон му дава на претседателот овластување да запре многу испораки на оружје и да ја намали или суспендира финансиската помош за купување американско оружје. 

„Сепак, што се однесува до практичната акција, Бајден е врзан со долга историја на професионален живот исполнет со симпатии и поддршка за Израел и неговото право на самоодбрана“.

Експертот истакна дека мирот меѓу Либан и Израел со дефинирани граници е цел на американските лидери од двете страни со децении. Тој смета дека доколку администрацијата на Бајден изврши притисок врз Израел да ги прекине своите операции, тоа ќе биде големо достигнување на меѓународно и локално ниво. Сепак, желбата на САД да се изврши притисок врз Израел по прашањето за Хамас е помалку изразена, покрај тоа што САД и Иран не сакаат да бидат вовлечени во регионален конфликт поради актуелната криза меѓу Хезболах и Израел.

Професорот Осмах Калил, водител на Програмата за меѓународни односи на Универзитетот во Њујорк, смета дека бајденовата администарација може да го искористи своето влијание и да го запре израелскиот напад на Газа, а со тоа да спречи и регионално ширње на конфликотот во било кој миг во претходните 12 месеци. Наместо тоа, вели тој, Вашингтон му нуди воена, дипломатска, економска иполитика поддршка во војната во Газа. 

Состојбата на Хезболах

Постојаните обиди на Израел и САД да го одвојат конфликтот во Либан од прашањето на Газа се покажаа како неуспешни, истакнува Калил. Сепак, генералниот секретар на Хезболах, Хасан Насралах, инсистира дека организацијата нема да ги запре нападите додека не се постигне прекин на огнот во Газа.

И покрај тврдењата на администрацијата на Бајден-Харис дека нема влијание врз Израел и не ја одобрува неговата воена кампања, САД се вклучени во обемна политичка, воена и разузнавачка соработка и координација со Израел, според Калил.

д-р. Џозеф Фицанакис, професор по безбедносни студии и директор на Командниот центар за разузнавачки операции на Универзитетот во Крајбрежната Каролина, рече дека администрацијата на Бајден има многу ограничено влијание врз Израел. Тој истакнува дека Израел бесрамно ги игнорираше САД во Газа и дека ќе го стори тоа повторно во Либан.

Тој додаде дека има малку луѓе на Блискиот Исток кои сè уште обрнуваат внимание на Белата куќа, особено во време кога се чини дека вниманието на САД е насочено исклучиво на внатрешната политика.

Фицанакис изрази уверување дека прашањето за примирјето меѓу Газа и Либан не се сфаќа сериозно, објаснувајќи дека Хезболах трпеливо чекал Израелците да влезат во Либан, што тие го поздравуваат, бидејќи кога Израел влегува во Либан во копнена инвазија, способноста на Хезболах да се справи со израелската армија стана јасно многу брзо.

Што се однесува до способноста на Бајден да спречи сеопфатна војна во регионот, Фицанакис рече дека администрацијата на Бајден-Харис е искрена во својата желба да спречи општа војна во Либан и да го задржи конфликтот во Газа и Западниот Брег. Сепак, американската администрација испрати збунувачка порака снабдувајќи го Израел со оружје, а во исто време го критикуваше израелското раководство за користењето на тоа оружје во војната.