ДЕТАЛИ ОД ТРАГЕДИЈАТА ВО НИШ: Eдвај извадиле жена заглавена под автобусот
Објавено во: Балкан 23 Декември, 2018
По несреќата близу српскиот град, Ниш каде воз и автобус се судрија, лекар од Итната медицинска помош, вели дека најтешко му било кога извлекувал жена која била заглавена под автобусот.
„Несреќната жена беше заробена. Кога почнав да ја извлекувам, сфатив дека извлекувам само половина од нејзиното тело, а другата половина остана заробена под автобусот“, раскажа тој.
Несреќата се случи околу 7:30 часот кога патнички воз удри во полн автобус и го преполови. На лице место загинаа три лица, додека две им подлегнаа на повредите во болница. Меѓу починатите се и две малолетни лица. Во несреќата повредени се 27 лица.
Одговорноста за несреќата допрва ќе се утврдува. Возачот се наоѓа во вештачки предизвикана кома, има сериозни повреди на главата, градниот кош и стомакот.Во Ниш беше прогласен и Ден на жалост поради несреќата.
фото Пинк.рс