ДЕТАЛНО СЕ ИСТРАЖУВА: Треба да се утврди кога починала жената во Велес
Објавено во: Македонија, Корона Вирус 11 Април, 2020
Се проширува истрагата за починатите мајка и син во Велес.
Во истрагата се вклучуваат експерти од судска медицина, МАНУ и тимот на епидемилозите од Институтот за јавно здравје.
За случајот ќе биде информирана и Светската здравствена организација.
Ова го соопшти Министерството за здравство.
Во Институтот за јавно здравје се прави уште една анализа на материјалот кој е земен од трахеата за да се потврди позитивниот резултат на коронавирус.
Треба да се утврди кога таа починала.
Овој податок би требало да се знае за една недела.
Вчера министерот за здравство, Венко Филипче коментирајќи го случајот рече дека не е исклучена можноста коронавирусот да бил присутен поодамна во земјава.Мајката и синот беа пронајдени откако почнала да се шири миризба од станот.
Соседите не ги виделе од Нова година.
Oд Демократски сојуз бараат детално да се истражи случајот, затоа што внесе конфузија.