26 Април, 2024
0.0319

Девет години затвор за Ѓоко Поповски во предметот „Триста“

Објавено во: Македонија 22 Мај, 2018

Добивај вести на Viber

Поранешниот помошник министер за внатрешни работи Ѓоко Поповски денеска во Кривичниот суд е осуден на девет години затвор поради злоупотреба на службена положба во предметот на СЈО „Триста“, во кој беше обвинет за  јавната набавка на 300 возила за потребите на МВР, јави МИА.

Претседателката на судечкиот совет Добрила Кацарска при изрекување на пресудата кажа дека предлогот на Комисијата за јавни набавки бил спротивен на Законот за јавни набавки, па од тие причини Поповски не смеел да го прифати предлогот. Според неа, во овој случај, не бил запазен критериумот „најповолна понуда“ за јавна набавка на 300 возила за потребите на МВР. Со ова, рече Кацарска, на МВР му била нанесена штета од поголеми размери.

Поповски, од функцијата на која бил не можел да не знае кои се најповолните економски оператори што давале понуди за возилата. Од овие причини, додаде таа, судот оцени дека Поповски е виновен за кривичното дело што му се става на товар - злоупотреба на службена положба, и му изрече казна од девет години зтавор

Веднаш по ова специјалната јавна обвинителка Фатиме Фетаи побара судот на Поповски да му одреди притвор поради опасност од бегство. 

Адвокатот на Поповски, Стерјо Зиков, се спротивстави на барањето за притвор, притоа оценувајќи дека неговиот клиент доби превисока казната. 

-Поповски ниту досегам ниту отсега, има намера да бега. Тој е семеен човек, а притоа треба да се има предвид и неговата здравствена состојба, рече Зиков и додаде дека има немра да го искористи правоот на жалба на пресудата до повисоката судска истанца.

Самиот Поповски пред судот кажа дека не планира да бега, дека е семеен човек, со син кој е на школување, а има и болна мајка. 

Судот по изрекувањето на пресудата даде пауза за да се посоветува околу барањето за притвор.

За кривичното дело за кое беше обвинет на Поповски законот  предвидува казна затвор од четири до 15 години.

Одбраната, пак, на претходното рочиште побара Поповски да биде ослободен од обвинението. Поповски пред Судот кажа дека не е виновен и оти постапката што се води против него сериозно влијаела на неговото здравје. Рече и дека во изминатиот период се соочил со многу закани, уцени и притисоци, но не прецизира од кого. Тој се пожали и дека му бил даден отказ од МВР во, како што наведе, сомнителна дисциплинска постапка.

Ѓоко Поповски е обвинет дека со јавната набавка на 300 возила за МВР го оштетил буџетот за 453.570 евра. Според СЈО, Поповски незаконски доделил договори за купопродажба и одржување возила на Порше Македонија ДООЕЛ Скопје, Ка-Дис ДОО Скопје, Бохемија Автомобили Роус ДООЕЛ Скопје, Колевски ДОО Скопје и Авто Куќа ДОО Скопје избрани како економски најповолни понуди.

Извор: МИА

Можеби ќе ве интересира

ДЕМИРИ: Ако Клиниката за токсикологија не била осигурaна, менаџментот треба да преземе одговорност

ДЕМИРИ: Ако Клиниката за токсикологија не била осигурaна, менаџментот треба да преземе одговорност

ВТОР КРУГ: Се спрема ли бојкот?

ВТОР КРУГ: Се спрема ли бојкот?

Ковачевски: По изборите ќе има партиски избори во СДСМ

Ковачевски: По изборите ќе има партиски избори во СДСМ

„НЕ НИ ЛИЧИ НА НАМ ОД СДСМ ДА ЗАСТАНЕМЕ И ДА НЕ СЕ БОРИМЕ“: Спасовски преку фејсбук мобилизира, „Не смееме да се откажеме од иднината“

„НЕ НИ ЛИЧИ НА НАМ ОД СДСМ ДА ЗАСТАНЕМЕ И ДА НЕ СЕ БОРИМЕ“: Спасовски преку фејсбук мобилизира, „Не смееме да се откажеме од иднината“

Анкетата на МКД.мк и Маркет најпрецизна за првиот круг претседателски избори

Анкетата на МКД.мк и Маркет најпрецизна за првиот круг претседателски избори

Таравари по телефонскиот повик од Мицкоски: ВМРО-ДПМНЕ разбира колку „тежиме“

Таравари по телефонскиот повик од Мицкоски: ВМРО-ДПМНЕ разбира колку „тежиме“

ПОПЛАВА ВО ТОКСИКОЛОГИЈА: Пукнала цевка за парно, поплавени биле повеќе делови на клиниката

ПОПЛАВА ВО ТОКСИКОЛОГИЈА: Пукнала цевка за парно, поплавени биле повеќе делови на клиниката

МАСКИРАН СО „ФАНТОМКА“ ВЛЕТАЛ ВО КАЗИНО СО АВТОМАТСКА ПУШКА - украл над 300 илјади денари, еве ги деталите

МАСКИРАН СО „ФАНТОМКА“ ВЛЕТАЛ ВО КАЗИНО СО АВТОМАТСКА ПУШКА - украл над 300 илјади денари, еве ги деталите

„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби

„АРТАН, ТЕРАПИЈАТА ТИ ЈА ПРЕПИШУВА Д-Р АРБЕН, ЌЕ ЈА ПРИМИШ НА 8 МАЈ“: Ганиу му се обрати на Груби