Дезодоранси и торби, нова заплена на Царината

Добивај вести на Viber

Царинските службеници од граничниот премин Богородица запленија 6.186 дезодоранси и 50 торби поради сомнение дека повредуваат права на интелектуална сопственост на познати трговски марки.

Како што соопшти Царинската управа, дезодорансите се пронајдени вчера при влез во Република Македонија во турски камион натоварен со збирна стока, наменета за фирма во Косово. Фактурната вредност на стоката изнесува 148 илјади денари, но доколку би се продавале како оригинал вредноста би достигнала над 60 илјади евра.

Претходно, цариниците на граничниот премин Ќафасан при контрола на патничко моторно возило со скопски регистерски таблички пријавено за влез во државата, управувано од македонски државјанин во кое патувал и албански државјанин, открија 54 торби со ознаки на познати  трговски марки. Вредноста на торбите, доколку би се продавале како оригинал би можела да достигне до 1.500 евра.

Стоката е задржана и во двата случаи заради утврдување на нејзината оригиналност, согласно Законот за царински мерки за заштита на правата од интелектуална сопственост.

Денеска се одбележува Светскиот ден на интелектуалната сопственост и по тој повод е спроведено јавно уништување на одземени предмети со кои се повредени правата од интелектуална сопственост. Акцијата ја организира Координативното тело за интелектуална сопственост при Владата на Република Македонија. Во депонијата Дрисла ќе бидат уништени производи одземени при акции на државните органи за што е потврдено дека повредуваат права од интелектуална сопственост и за кои се донесени правосилни и извршни кривични и прекршочни одлуки на надлежните судови.