Дијалогот Белград-Приштина продолжува во Брисел
Објавено во: Балкан 08 Февруари, 2015
Утре по девет месеци застој, ќе продолжи дијалогот меѓу Белград и Приштина во Брисел . Тимовите ќе ги предводат српскиот премиер Александар Вучиќ и косовскиот премиер Иса Мустафа.
Продолжувањето на дијалогот се случува во момент на влошени односи меѓу двете страни, поради одлуката на Мустафа да го смени министерот за враќање Александар Јаблановиќ. Разговорите ќе бидат со посредство на шефот на европската дипломатија Федерика Могерини.
Последната рунда од дијалогот беше одржана на 31 март минатата година под покровителство на тогашната висока претставничка на ЕУ Кетрин Ештон.
Белград најави покренување на прашање за српските имоти на Косово вклучително и Трепча. Се очекува една од главните теми да биде судството и формирањето на ЗСО.