Димитриевски: Tие што немаат можност да се снабдат со најнеопходното ќе добијат асистенција
Објавено во: Македонија, Корона Вирус 03 Април, 2020
Градоначалникот на Куманово, Максим Димитриевски попладнево на Фејсбук пишува дека одлуката за ограничување во движење е неопходна, треба сите да ја почитуваме за да се спречи пандемијата.
„Дали требаше да се најави, да секако, општинскиот штаб за заштита и спасување тоa го бара уште од 22 Март, тоа што поединци целово оваа време неодговорно се однесуваат и не ги почитуваат препораките и мерките на штабот и Владата не доведува сите во сеопшта опасност од пандемија. Треба да сме свесни и дисциплинирани можеме да издржиме до понеделник, тие што немаат можност да се снабдат со најнеопходното ќе добијат асистенција овие два дена. Колективното здравје е приоритет број еден.
Жалам за сето ова низ што поминуваме сите заедно. Апелирам на смиреност и без паника ќе го надминеме и ова. Целта е да го спречиме ширењето на вирусот, држете дистанца и останете дома“, пишува Димитриевски.
Неколку кумановци починаа од опасниот вирус, а бројот на заразени се зголемува. Инфицирани се и 11 здравствени работници.
Првата жртва беше 57 годишна жена од Куманово, а и попладнево стигна потврда дека пациентот кој почина попладнево бил заразен.