Димковски: Продолжуваме да поддржуваме манифестации за промоција на земјоделски производи
Објавено во: Агробизнис 30 Август, 2019
Денеска министерот Трајан Димковски беше на отварањето на првиот Агро саем, кој се одржува во Струмица. Министерството за земјоделство, шумарство и водостопанство континуирано преку финансиска поддршка ги поддржува ваквите манифестации, преку Програмата за рурален развој со финансиска поддршка од 2 000 евра ги поддржуваме земјоделските здруженија коишто имаат идеја за организација на вакви настани, преку кои се промовираат домашните земјоделски производи.
„За првиот јавен повик за користење на техничка поддршка за организирање и спроведување на манифестации за промоција на земјоделските производи во Република Северна Македонија, конкурираа 56 здруженија од кои 47 ги исполнија условите. Во тек е нов јавен повик којшто трае до крајот на овој месец. Ги повикувам сите заинтересирани да конкурираат и преку разни локални манифестации и саеми да го промовираат домашното земјоделско производство. Локалните манифестации се важни за промоција на земјоделските производи како и за воспоставување на контакти помеѓу земјоделците и компаниите од агро-секторот. Здружението „Про агро фармери“ ја препозна потребата и преку денешниот саем прави добра промоција на регионот кој е најважен за производство на градинарски култури“, изјави министерот Димковски.
Преку реализација на ваквите мерки се дава сериозен сигнал дека министерството и Владата на Република Северна Македонија, освен што се фокусирани на креирање на мерки кои го развиваат агро – секторот, посветено преку Програмата за рурален развој, создаваат и услови за промоција на домашните производи.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
