Димовски: Нема да може да се повикуваме на културно наследство настанато на територија на денешна Грција
Објавено во: Македонија 10 Октомври, 2018 15:23
По Договорот од Преспа нема да може да се повикуваме на културно наследство настанато на територија на денешна Грција, изјави денеска на комисија во Собранието, пратеникот на ВМРО-ДПМНЕ, Илија Димовски.
Со ова тој реплицираше на пратеничката на НСДП Соња Мираковска.
„Дафино вино црвено“, Врања коња јавам јас“, и многу македонски песни што ги пееме и играме се настанати во Егејска Македонија. Дури и седум-осминскиот такт е настанат таму. Конечно, Крсте Мисирков, врз кој ја темелиме националната и јазичната идентификација, никогаш не живеел на територија на денешна Македонија“ – рече Димовски.
Појасни дека Македонците во соседните држави не може да се третираат како дијаспора, туку, како што истакна, Уставот ги препознава како автохтон дел од тие територии. Пратеникот потенцираше дека Македонци во соседна држава и македонска дијаспора е сосема различна работа.
„За разлика од нашите кои живеат во Мелбурн, Торонто, Цирих, овие Македонци во соседниве држави, кои што Уставот ги препознава како елемент со посебна заштита од нашата држава, не се дијаспора. Македонците во Благоевград, во Лерин или во Голо брдо или на Гора во Косово се автохтоно население на таа територија“- потенцираше Димовски.
Димовски реплицираше и дека избирачкиот список се составува врз база на регистар на државјанство. Рече дека кај нас во Република Македонија статусот на жител или не жител апсолутно не е поврзано со гласач или негласач, туку тоа е поврзано со статусот државјанство.
Можеби ќе ве интересира
ФАКТОР НА ДЕНОТ: Надминат прагот на загадување во повеќе општини, издадени се препораки
ПРЕПОРАКА: Бремените и хронично болните да се ослободуваат од работа
(ВИДЕО) Русковска го пријавила Боки 13 во полиција за телефонско вознемирување
Мицкоски за реакцијата на грчкото МНР: За мене Македонија е свето име
Двајца затаиле данок од над еден милион евра од трговија со злато и накит, обвинителството бара притвор
Пријава од полиција: Кандидат за градоначалник давал по 1.000 денари за да се гласа за него
ГОТОВ Е ОБДУКЦИСКИОТ НАОД НА ПОЧИНАТОТО НОВОРОДЕНЧЕ: Причина за смртта е незрелост на белодробието
ВМРО-ДПМНЕ ИЗГЛАСАЛЕ ИЗМЕНИ НА ЗАКОНОТ ЗА СТРАНЦИ: Кузеска тврди тоа е за потребите на стратешкиот договор, за стратешки проекти
Надминат прагот на загадување во Центар, Гази Баба, Карпош, Лисиче и Ректорат, објавени мерки и препораки
