Директорите најкорумпирани – полицајците втори на листата пред лекарите

Добивај вести на Viber

Во делот на класичната корупција во текот на минатата 2013 година евидентирано е зголемување за 19% по односно на регистрираните и откриени кривични дела во оваа област од криминалот за 2012 година. Откриени се девет дела  „примање поткуп“ и за истите се пријавени 14 сторители,  девет дела „давање поткуп“ за кои се пријавени 26 сторители, пет дела „противзаконито посредување“ за кои се пријавени 13 сторители и  две дела „поткуп при избори и гласање“ за кои се пријавени четворица сторители, покажуваат податоците на МВР. Реализирани биле и 45 случаи на коруптивно злоупотребување на службената положба во кои службени лица- вкупно 106, со непочитување на законските и подзаконските акти во работењето за себе и други лица противправно присвоиле повеќе од 522 милиони денари на штета на државниот Буџет, акционерски друштва и друштва со ограничена одговорност. Повеќето од овие злоупотреби се извршени од управители на фирми и директори - 28 лица, полициски службеници -17, лекари- 12 лица и други службени и одговорни лица, вработени во државни институции и приватни фирми.   К.К.