Директорот на штипската болница порача: Ако сте имале контакт со заболен, не се расшетувајте
Објавено во: Македонија, Корона Вирус 27 Март, 2020
Здравствените работници во Штип се разочарани и лути, бидејќи дел од лицата кои се во самоизолација, но и членови на нивните семејства, се шетаат низ населените места.
Директорот на Клиничка болница-Штип, Ален Ѓеорѓијев на својот ФБ профил јавно го изрази своето разочарување, а воедно и апелираше.
Во текот на вчерашниот ден регистриран е осмиот случај позитивен на Ковид 19 во Штип. Епидемиолозите ги чекаат резултатите од брисевите кои се испратени во текот на вчерашниот ден. Општина Штип покрај тоа што ги дезинфецира улиците, од синоќа почна и со дезинфекција на влезовите во сите станбени згради, јави МИА.