Дисциплинска постапка за заболениот техничар од корона на Клиниката за радиологија
Објавено во: Македонија 30 Септември, 2020
Дисциплинска постапка ќе биде поведена против техничарот позитивен на Ковид-19, вработен на Клиниката за радиологија, бидејќи несопвесно се однесувал, односно со симптоми на вирусот доаѓал на работа, најави директорот на Клиниката, Даниел Ѓурчинов во изјава за Курир.
Таму се потврдени три случаи на корона вирусот кај вработени, од кој прво заболен е техничарот, а останатите двајца, како што појаснува Ѓурчинов биле во контакт со него, односно заедно работеле.
-Двајцата позитивните тестови ги добиле во текот на вчерашниот ден. На тестирање и во изолација се пратени уште двајца вработени кои се без симптоми, но имале контакт со нив, вели директоротр на Радиологија за Курир.
Истовремено појасни дека освен тоа што ќе биде поведена дициплинска постапка против првозаразениот, се разгледуваат и можностите за евентуално поднесување и на кривична пријава.