19 Јули, 2024
0.0274

ДИВИ СВИЊИ СЕ СИМНУВААТ ДО ДВОРОВИТЕ ВО ЦРНИЧЕ, ВЕЌЕ СЕ НАПАДНАТИ И МИЛЕНИЦИ - граѓаните живеат во страв, надлежните си ја префрлаат топката

Објавено во: Македонија 25 Септември, 2022

Добивај вести на Viber

Жители на скопската населба Црниче со денови живеат во страв за себе и за своите миленици, бидејќи диви свињи се симнуваат од шумата и се доближуваат до нивните дворови. За загриженоста да биде уште поголема, досега се регистрирани и неколку случаи на нападнати и повредени миленици, а некои од нив, како што сведочат овие граѓани, завршиле и фатално.

Како што објаснува еден скопјанец од населбата Црниче кој бараше да остане анонимен, досега тие се обратиле кај неколку надлежни институции, но епилогот на сите одговори што ги добиле е само префрлање на топката и прогласување на сопствена недалежност.

Овие граѓани се прашуваат дали можеби треба некој некој наш сограѓанин да настрада, па институциите потоа задоцнето да се зафатат со решавање на проблемот.

„Живеам во населбата Црниче, под игралиштетето на Славија, повеќе од 30 години, но ова што во последните две години го гледам, досега го немам видено. Имено, повекје пати се случувало да наидеме или да забележиме стада од диви свињи во ниските делови од шумата, кои се движат во непосредна близина на игралиштето на Славија и куќите. Токму таму постојано се присутни голем број на граѓани, но и деца кои играат на самото игралиште, или, пак, се движат нагоре по патеките поради рекреација“, вели еден наш сограѓанин.  

Тој дополнително објаснува дека дивите свињи се симнуваат до самото игралиште, и тоа во време кога тоа е буквално преполно со деца во претпладневните часови, но и млади кои седат до доцните вечерни часови, како и граѓани кои ги носат на прошетка своите миленици. 

„Овде се одржуваат тренинзи и натпревари кои ги следат граѓани од трибините над самото игралиште. Свињите се забележуваат како се движат во стада до игралиштето, доаѓаат до самите трибини“, вели нашиот соговорник.

Но, кулминацијата била достигната кога токму на тоа место минатата ноќ неговиот миленик бил нападнат од дива свиња.

„Таа во еден момент разбеснето се затрча од пошумениот дел и му се нафрли, нанесувајќи му убоди и повреди на ногата. Можев да бидам нападнат и јас или било кој друг кој би се нашол таму во тој момент“, вели овој скопјанец.

Тој додава дека напади од диви свињи се имаат случено и на милениците на неколку негови соседи, во непосредна близина на Сеизмолошката станица, каде е населен дел, и има голема раздвиженост од граѓани, при што милениците им биле раскинати или пак со тешки повреди.

Вели дека дивите свињи во ноќните часови се симнуваат до самите дворови, во потрага по храна и овошки кои паѓаат од дрвата. 

„Големото присуство на овие диви животни го потврдува и раскопаната земја од нивното риење, кога доаѓаат до дворовите и куќите на овој дел од населбата“, објаснува нашиот соговорник.

Тој нагласува дека овој застрашувачки случај го пријавил во повеќе институции, како што се Центарот за управување со кризи, Македонски шуми, Агенцијата за храна и ветеринарство, но од сите добил одговор дека не се надлежини за ваков проблем.

Наредна дестинација до која планира да се обрати е скопската градоначалничка Данела Арсовска.

„Се прашувам, дали треба да настрада човек, или да настане некој поголем проблем за да се преземат мерки за решавање на оваа ситуција“, посочува овој наш загрижен сограѓанин.

Н.Н.Ф.

Можеби ќе ве интересира

„ЗА СРЕЌА НЕМА ПОСЛЕДИЦИ ПО ДОМОВИТЕ И ГРАЃАНИТЕ“: градоначаникот Јанчев вели утре ќе се изгаснат дел од пожарите

„ЗА СРЕЌА НЕМА ПОСЛЕДИЦИ ПО ДОМОВИТЕ И ГРАЃАНИТЕ“: градоначаникот Јанчев вели утре ќе се изгаснат дел од пожарите

ЧЕТИРИ ЛИЦА ЗАВРШИЈА ВО БОЛНИЦАТА ВО КУМАНОВО: сообраќајка на автопатот Куманово-Скопје

ЧЕТИРИ ЛИЦА ЗАВРШИЈА ВО БОЛНИЦАТА ВО КУМАНОВО: сообраќајка на автопатот Куманово-Скопје

„Работниците во Македонски шуми гаснат пожари, буквално, по влечки!“: Левица со остра реакција за состојбата со пожарите

„Работниците во Македонски шуми гаснат пожари, буквално, по влечки!“: Левица со остра реакција за состојбата со пожарите

НОВА ПОДДРШКА: Прогласот за семакедонско обединување го потпиша и огранокот на Партијата на слободата за Мала Преспа

НОВА ПОДДРШКА: Прогласот за семакедонско обединување го потпиша и огранокот на Партијата на слободата за Мала Преспа

АПАНАЖА ЗА БЕСИМИ, БЕКТЕШИ И ЛОГА - закупнина за стан за четворица пратеници, како и плата до пензија, еве ги деталите

АПАНАЖА ЗА БЕСИМИ, БЕКТЕШИ И ЛОГА - закупнина за стан за четворица пратеници, како и плата до пензија, еве ги деталите

СИЛНО НЕВРЕМЕ ВО ДЕБАР: град, громови, поплавени улици и одрони на патиштата

СИЛНО НЕВРЕМЕ ВО ДЕБАР: град, громови, поплавени улици и одрони на патиштата

„Ветрот го сменил правецот и се нашол среде оган“: повредениот Златко правел противпожарен појас за огнот да не дојде до Сираково

„Ветрот го сменил правецот и се нашол среде оган“: повредениот Златко правел противпожарен појас за огнот да не дојде до Сираково

ЧЕТВОРИЦА ОХРИЃАНИ ЗАВРШИЈА ЗАД РЕШЕТКИ - прво се тепале во кафана, па ги нападнале полицајците

ЧЕТВОРИЦА ОХРИЃАНИ ЗАВРШИЈА ЗАД РЕШЕТКИ - прво се тепале во кафана, па ги нападнале полицајците

„Сите аеродромски сектори се во состојба на подготвеност поради глобалниот ИТ прекин“: ТАВ Македонија без откажани летови

„Сите аеродромски сектори се во состојба на подготвеност поради глобалниот ИТ прекин“: ТАВ Македонија без откажани летови