ДКСК ги одби приговорите на СДСМ, биле неосновани

Добивај вести на Viber

Државната комисија за спречување на корупцијата, ги отфрли сите приговори од СДСМ за вработување и изградба на објекти за време на избори, членовите на комисијата ги одбија едногласно, во среда на јавна седница.

За нив беше кажано дека се неосновани. 

Од овие институции објасниле дека Министерството за правда сé уште нема донесено решенија за избор на нотари, од Македонска пошта известиле дека има согласност од Министерство за финансии за вработувањата што ги бара и дека за тоа има обезбедено пари за тековната 2016 година. Од Театарот за деца и младинци известиле дека двајца актери не се примени на работа, бидејќи од медиумите дознале дека има приговор за тоа, а сепак има обезбедно финансии во тековната година.

СДСМ имаше приговор за поставување камен темелник за изградба на детска градинка во село Зерновци за време на избори против политичката партија ВМРО-ДПМНЕ. Од ДКСК го одбија приговорот, затоа што од општината ги известиле дека почнати се градежни работи, но камен-темелник не е поставен.

Наталија Белчевска од Валандово имаше поднесено приговор за вработувања во Агенцијата за вработување, и тоа во нејзнината централа и во подрачните единици, за време на избори, но од Агенцијата кажале дека вработувањата се предвидени со Буџетот за 2016 година, а добиена е согласност и од Министерството за финансии.