До 30 април поднесување барања за субвенции за произведено и продадено млеко
Објавено во: Агробизнис 09 Април, 2013
Во тек e поднесувањето барања за директни плаќања за произведено и продадено овчо, козјо и кравјо млеко во период од октомври до декември 2012 година, соопшти Агенцијата за финансиска поддршка во земјоделството и руралниот развој.
Висината на поддршката изнесува 3,5 денари по литар и дополнителни 15 отсто за млеко произведено на одгледувалишта со надморска висина поголема од 700 метри.
Барањата се поднесуваат до 30 април 2013 во подрачните единици на Министерството за земјоделство, шумарство и водостопанство каде што е извршена регистрација на земјоделското стопанство. Како доказ за продадено млеко се доставуваат откупни белешки издадени од преработувачки капацитети запишани во регистарот на одобрени објекти за производство на храна од животинско потекло.
Агенцијата воедно ги потсетува земјоделците за можноста да поднесат барање за помош за премии за осигурување за осигурано примарно земјоделско производство, за лозови и овошни насади до 10 хектари, за градинарски култури и тутун до 2 хектара, за житни култури до 20 хектари и за пчели до 100 пчелини семејства. Висината на поддршката е 60 проценти од трошокот на премијата за осигурување, а барањата се поднесуваат до 30 август во подрачните единици на Министерството за земјоделство каде што е извршена регистрација на земјоделското стопанство.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
