До 9 јануари Иванов треба да го додели мандатот - партиите не откриваат детали
Објавено во: Македонија 02 Јануари, 2017
Уште е неизвесно кој ќе ја формира владата.
До 9 јануари и шефот на државата, Ѓорге Иванов треба да го додели мандатот за состав на новиот владин кабинет, на партиите што ќе го информираат дека имаат мнозинство. Роковите се кратки и периодот на до понеделник поминува во празници. Политичките партии деновите имаат договори, преговори, барања.
Партиите засега не откриваат детали.
Лидерот на ДУИ, Али Ахмети соопшти по средбата со албанскиот премиер Еди Рама, дека на идните преговори за состав на новата влада ќе настапи со договорената нацрт платформа со заеднички барања за правата на Албанците.
Од Алијанса за Албанците изјавија дека нема да коалицираат со осомничени лица. Од БЕСА ја исклучија можноста за влегување во влада на ВМРО- ДПМНЕ.