До изборот на нова влада со МВР и со Собранието ќе раководат кадри на ДУИ
Објавено во: Македонија 27 Декември, 2016
Додека да се избере новата влада на чело на МВР и на Собранието ќе бидат кадри од ДУИ.
Утре ДИК ќе ги објави конечните резултати од изборите.
Во фотелјата на Трајко Вељаноски, како што објавија медиумите ќе седне најстариот пратеник Бранко Манојловски, кандидат на ДУИ и на православните Aлбанци, а со Министерството за внатрешни работи наместо Оливер Спасовски ќе раководи заменикот-министер во МВР Агим Нухиу исто така од ДУИ.
ДИК утре ќе им ги врачи и уверенијата на сите 120 пратеници кои освоија мандат на последните избори.
По партии освоените мандати изгледаат вака:
ВМРО-ДПМНЕ-51 пратеничко место,
СДСМ – 49 мандати,
ДУИ – 10,
движењето Беса – 5,
Алијанса на Албанците – 3 и
ДПА – 2 мандати.
Според Уставот, новоизбраните пратеници се состануваат на конститутивна седница најдоцна 20 дена по одржаните избори – краен рок е 31 декември.