До кога ќе чека Груевски азил: Еве кои се унгарските процедури

Добивај вести на Viber

Во редовна постапка апликацијата за азил во Унгарија започнува со интервју од службеник за азил и преведувач, обично веднаш по влезот во транзитната зона.

Според официјалните документи од Унгарија, во тој момент се земаат биометриски податоци, се поставуваат прашања за личните податоци, патот кон Унгарија и главните причини за барање меѓународна заштита. Може да се спроведе и повеќе од едно интервју со апликантот.

Органот за азил треба да размисли дали апликантот треба да биде признаен како бегалец, да добие дополнителна заштита или толериран престој под надзор.  Личното интервју е задолжително, освен ако подносителот на барањето не е погоден за да биде сослушан или да поднесе подоцнежна пријава и во пријавата не доставил факти или обезбедил докази што би овозможиле признавање како бегалец или корисник на супсидијарна заштита.

Од март 2017 година, повеќето апликации за азил се испитуваат во транзитните зони и барателите на азил се должни да останат во овие транзитни зони, со исклучок на деца без придружба под 14-годишна возраст кои се сместени во установа за згрижување деца.

Процедуралниот рок за донесување на одлука за основаноста е 60 дена. Со неодамнешната измена на Законот за азил, која влезе на сила на 1 јануари 2018 година, раководителот може да го продолжи овој административен рок еднаш пред истекот на истиот, максимум уште 21 ден.