До крајот на идната недела ќе се соберат потписите за поевтина струја и парно?

Добивај вести на Viber

Граѓанската иницијатива АМАН, која почна собирање потписи за поевтина струја и парно греење за само 6 дена собра 5.300 потписи, и тоа од 19 од општините во Македонија. Потребни се 10.000 потписи за измена на Законот за енергетика и за враќање на евтината тарифа на струјата, и ако се следи досегашната динамика реално е да се очекува веќе до крајот на идната недела да се соберат потребните потписи со што ќе се создадат услови граѓаните да добијат враќање на евтината тарифа, а оние кои се исклучиле од парното греење да не плаќаат за енергија која не ја добиваат. Неодамна во интервју за Фактор, еден од иницијаторите на АМАН, Александар Гочев изјави дека очекуваа поддршка и од политичарите. - По завршувањето на работното време сите тие се обични граѓани, кои иако имаат повисоки примања,но сметките и кај нив одат се погоре и погоре,  кога ѓи плаќаат сметките ниту тие, ниту нивните фамилии не добиваат попуст поради тоа што се лидери на политички партии. Како личности кога би си ја извршиле својата граѓанска можност да се потпишат на ицинјативата на АМАН, сигурно би чуствувале и граѓанска одговорност кон своите членови, симпатизери и граѓани да ги повикаат да го направат истото, вели Александар Гочев. АМАН со месеци протестираа против високите цени на енергенсите, а круна на протестите е иницијативата за собирање потписи со кои Собранието ќе биде задолжено да расправа за нови измени на законот за енергетика, со што ќе се овозможи поевтинување на сметките за струја и за парно греење.