До крајот на октомври Бугарите ќе живеат со нови рестрикции
Објавено во: Балкан, Корона Вирус 02 Септември, 2021
Нови рестрикции се воведуваат во Бугарија, а бројот на новозаразени со коронавирусот постојано расте.
Рестораните и баровите ќе треба да се затворaaт во 22 часот од 7 септември, а спортските натпревари во салите ќе се одржуваат без гледачи. Ова денеска го најави бугарскиот министер за здравство, Стојчо Кацаров. Новите ограничувања ќе бидат на сила до крајот на октомври, музичките фестивали ќе бидат забранети, додека кината и театрите ќе треба да работат со капацитет од 50 проценти.
Бугарија е земја со најниска стапка на имунизација во Европската унија. Околу 18.950 луѓе починаа од почетокот на пандемијата. Бугарија не е единствена. Рестрикции има во Косово, Албанија, Црна Гора.