Добра вест: музиката е ИН, давачките се АУТ!

Добивај вести на Viber

Здружението на произведувачите на фонограми и уметниците музички изведувачи ММИ (Македонска Музичка индустрија), ја доби лиценцата од Министерството за култура за колективно управување на сродните права на произведувачите на фонограми и на уметниците музички изведувачи, во согласност со Законот за авторското право и сроднитe права. Неделава тарифникот стапи во сила, а според истиот ММИ требаше да започне со прибирање на парични надоместоци од сите корисници кои јавно пуштаат музика во РМ, а со цел правилна распределба и надокнада за искористувањето на музиката во делот кој им припаѓа на фонограмските продуценти и музичките изведувачи. Од семкарници, до капели, цркви, ресторани, зоолошки, аква паркови, скијачки терени, автобуси, бродови, фризерски салони, банки, сите овие институции и објекти, според ММИ, би требало да му плаќаат на здружението од 30 до 1000 евра. Телевизиите пак се обврзани на неколку милиони евра годишен трошок кон ММИ иако не користат фонограми, туку видеограми. Стартот на тарифникот повторно ги разбуди негативните реакции во јавност, скоро без исклучокод сите на кои се однесуваше. Ова ја замисли и владата која ќе направи ревизија на плаќањето музика.. Увидовме дека постојат и определени отстапувања од европската практика и примена на европското законодавство. Затоа Владата одлучи директно да се позанимава со ова прашање, да ги разгледа сите овие аспекти директно како орган, што подразбира дека најверојатно ќе биде направена ревизија на целокупната материја постапка процес и акти кои ја дефинираат оваа материја, изјави портпаролот на владата Александар Ѓоргиев.

Проблемите за авторските и сродните права во музичкиот свет, не се само наши, туку и глобални. Последниве  години и Меѓународната федерација на фонограмската индустрија открива дека се соочува со пад на продажбата на снимени музички дела. Токму поради овие  причини тие се одлучуваат да ги намалат административните трошоци.

Деновиве интензивно се разгледуваат ваквите искуства во светски рамки со цел да бидат искористени нивните ефекти на домашен терен. Стопанската комора сакајќи да го оспори тарифникот за плаќање на слушањето музика, иницираше тело задолжено за собирање потписи од сите засегнати субјекти, за потоа да достави барање за измени на Законот за авторски и сродни права до Собранието на РМ.. Доколку тарифникот на ММИ стапи на сила, голем број на електронски медиуми информираа дека заедно со ТВ медиумите од Групацијата нема да емитуваат повеќе македонска музика или пак ќе воведат ценовник за гостување на изведувачите да обезбедат средства кои на крајот на годината ќе треба да ги уплатат на сметка на здружението на граѓани ММИ од каде првично најавија став. Владата ја поддржува заштитата на домашното творештво и продукцијата, но не смее да се дозволи нелогично да плаќаат голем број субјекти кои не би требало да плаќаат ваков вид на надомест. Музиката треба да преставува задоволство, а оваа одлука создава револт.