Дочек на Нова Година во Скопје: За украсување 134 илјади евра, македонските ѕвезди се уште е непознато колку ќе чинат!

Добивај вести на Viber

На плоштадот “Македонија” за Нова година ќе настапат музичките ѕвезди од Македонија, составот Нокаут, Тамара Тодевска, Роберт Саздов, Тони Зен, Аделина Таири, Дани, Бени, како и изведби на познати македонски ДЈ ѕвезди. И оваа година на Плоштадот “Македонија” со многу забава и музика, како и со традиционалниот спектакуларен огномет ќе биде дочекана Новата 2013 година. Традиционално организираниот дочек на Новата година е во организација на Градот Скопје, со поддршката на Т-Mobile и Т-Home. Новогодишниот концерт ќе започне во 20.00 часот, a се очекува да трае до раните утрински часови. Вистинска кулуминација ќе се случи точно на полноќ кога небото над Скопје ќе го осветли спетакуларен огномет, овозможен од двете компании. Градот Скопје и компаниите Т-Mobile и Т-Home ги покануваат сите граѓани кои сакаат да се забавуваат на отворено со своите сограѓани, да ја прослават новогодишната вечер на Плоштад Македонија во Скопје. Во скопскте кафулиња и ресторани ќе се слави, исто така традиционално, а цените се меѓу 1000 и 3000 денари за дочекот, во зависност од категоријата на објектите. Инаку украсувањето на централното подрачје во Скопје чинеше 134 илјади евра, а се уште не е познато колку ќе бидат платени македонските ѕвезди и самиот дочек.