ДОГОВОР НА ВЕКОТ: Во Кина ќе никне огромна рафинерија за нафта
Објавено во: Економија 27 Март, 2023
Саудискиот нафтен гигант Сауди Арамко потпиша договор со своите кинески партнери за проект за рафинерија и петрохемиски комплекс во североисточна Кина вреден 12,2 милијарди долари, кој треба да започне со работа во 2026 година.
Проектот во градот Панџин во провинцијата Лиаонинг ќе биде втора голема инвестиција за рафинирање и петрохемија на Арамко во Кина, а договорот беше потпишан откако најголемиот светски извозник на нафта објави рекорден профит во 2022 година од 161 милијарда долари, пишува Ројтерс.
Заедничкото вложување Huajin Aramco Petrochemical Company (HAPCO) ќе изгради рафинерски комплекс за преработка на 300.000 барели дневно, кој годишно ќе произведува 1,65 милиони тони етилен и два милиони тони параксилен, објави саудиската компанија.
Проектот се очекува да чини 83,7 милијарди јуани (12,2 милијарди долари), се вели во соопштението на партнерската група Panjin Xicheng Industrial објавено на WeChat во неделата.
Saudi Aramco says the refinery in China is expected to be fully operational by 2026 https://t.co/PlsF1VMBHo
— Bloomberg (@business) March 27, 2023
Нешто повеќе од половина од акциите во новиот комплекс ќе бидат во сопственост на кинескиот производител на воена опрема NORINKO Group, Aramko 30 проценти и Panjin Xincheng 19 проценти.
Изградбата на комплексот ќе започне во вториот квартал откако ќе се обезбедат потребните административни одобренија за проектот, рече Арамко. Се очекува фабриката да биде целосно оперативна до 2026 година, се додава.
Арамко ќе испорачува до 210.000 барели сурова нафта дневно од комплексот, пренесува Хина.
Фото: Принтскрин/Твитер
Можеби ќе ве интересира
Посетата на Кина го врати Илон Маск на првото место на листата најбогати во светот
Бектеши најави колкаво поскапување на струјата се очекува
Бесими: Во преговори сме со американска државна банка да го финансира проектот на „Бехтел и Енка“
Бојан Маричиќ: ЕУ по втор пат прашува за „Бехтел и Енка“
Поголемиот буџет донесе рекордни исплати за политичките партии
ОД ЕДНА ЕВРОПСКА ЗЕМЈА „ИЗВИРА“ ЛИТИУМ: Ќе отвораат рудници и ќе се зголемува производството на електрични возила
ПАДНА ЦЕНАТА НА НАФТАТА НА СВЕТСКИТЕ БЕРЗИ: Загрижувачките вести од Кина го „срушија“ барелот
ПАДНАА ИНДЕКСИТЕ НА ВОЛСТРИТ: Инвеститорите стравуваат од зголемување на каматните стапки
Кина го лансираше Шенжу-16, вселенски брод со екипаж на 5-месечни интензивни задачи во вселенската станица
