ДОГОВОР ПОСЛЕ ПОЛОВИНА ГОДИНА: Што ги чека сега Грците?
Објавено во: Балкан 02 Мај, 2017
Грција рано утрово постигнала договор со меѓународните кредитори за новиот пакет помош и реформи, изјавил грчкиот министер за финансии Еуклид Цакалатос.
На овој начин беше отворeн патот кон доделувањето на дополнителни спасувачки фондови.
Договорот, кој вклучува работнички и енергетски реформи, како и намалување на пензиите и зголемување на даноците е клучен момент во преговорите меѓу двете земји, кои започнаа минатиот октомври и за кои се очекуваше да бидат завршени до крајот на минатата година.
„Се појави бел чад. Преговорите за технички договор беа завршени за сите прашања, сега беше поплочен патот за преговори за олеснување на долгот“, коментира Цакалотос.
Агенциите потсетуваат дека во крајот на април грчките кредитори ги обновија долгоодложуваната ревизија на спасувачката програма на земјата, во обид итно да ги деблокираат новите средства потребни за плаќање на уште еден дел од долгот на Атина во јули.
Грција и кредиторите од Европската комисија, Европската централна банка (ЕЦБ) и Меѓународниот монетарен фонд (ММФ) успеаја да ги надминат разликите меѓу себе во однос на дополнителните фискални кратенки за да може преговорите да се обноват, откако беа прекинати во март.