„Дојче Телеком“ и „Еверноут“ во партнерство и во Македонија

Добивај вести на Viber

Со Evernote, корисниците може да запишуваат прибелешки, да спојуваат веб страници, да прават исечоци од написи, да прават списоци за работи што треба да ги направат како и аудио снимки со нивните мобилни телефони. Корисниците на Дојче Телеком коишто ќе ја активираат апликацијата до 2 октомври 2014 година, ќе може да ја користат бесплатно 6 месеци со симнување преку он-лајн продавниците за апликации. Корисниците коишто ќе ја искористат промоцијата ќе имаат придобивки и од напредните карактеристики, како што се зголемен upload капацитет од 1 GB месечно, оф-лајн користење на преносливиот компјутер (notebook) и забрзано вчитување на сликата. Апликацијата ќе биде претходно инсталирана на Android во портфолиото на мобилни телефони во првиот квартал од 2014 година. Верзиите на локалниот јазик се веќе достапни во Австрија, Унгарија, Холандија, Полска и Романија, додека верзијата на англиски јазик на Evernote е достапна за останатите пазари. Дојче Телеком го промовира Evernote во Албанија, Австрија, Хрватска, Република Чешка, Грција, Унгарија, Црна Гора, Македонија, Холандија, Полска, Романија, Словачка, а ја претстави апликацијата во Германија во 2013 година. Во моментов, Evernote има над 4 милиони корисници во Европа.