Дојран ќе ги категоризира приватните издавачи на легла

Добивај вести на Viber

Градоначалникот на Дојран, Борче Стамов денеска одржа информативна средба со приватните издавачи на легла заради нивно запознавање со новиот систем за категоризација кој прв пат ќе се воведе годинава.

Туристичкото биро, информира Стамов, ќе има точен и прецизен увид на приливот на туристите во текот на летниот период со цел на туристите да им се обезбеди пријатен претстој во Дојран.

- Истовремено ниту еден од издавачите кои се пријавиле во бирото со соодветни документи не смее да остане празен,рече Стамов кој нагласи дека токму поради тоа приватните издавачи на легла туристичкото биро треба да го прифатат како пријател кој ќе им помогне.

Присутните беа запознаени со документите кои треба да ги поседуваат, како и со договорите кои мора да ги направат со туристичкото биро за да можат да издаваат легла без да бидат подложни на санкции кои ќе се применуваат согласно законот кон дивите издавачи.

- Постапката ќе се одвива во три чекори, а завршува со склучен договор.Издавачите на легла ќе мора објектот да го обележат со информативна табла и други знаци што ќе им ги наложи комисијата за категоризација.Со тоа ќе им овозможат на туристичките инспектори лесно да ја утврдуваат фактичката состојба и да преземаат санкции кон сите што ќе ги злоупотребат правилата,рече раководителот на туристичкото биро,Перо Митаноски и додаде дека средствата од туристите ќе се употребат за подобрување на квалитетот и условите за живеење во општина Дојран.