Доколку некој ве демне ќе следи затворска казна до 3 години

Добивај вести на Viber

Парични, но и затворски казни ќе следуваат доколку некој ве демне. 

Најавени се законски измени во врска со случајот „Јавна соба“. 

Денеска се презентирани законски измени подготвени од Министерството за правда во кои ќе биде додаден термин „Демнење“, со што ќе биде воведено и ново дело кое ќе биде дополнителна заштита, соопшти Министерството за правда. Министерот за правда Бојан Маричиќ денеска се сретна со една од девојките жртви на групата „Јавна соба“. 

Во Кривичниот законик се додава член 144 а - во кој се вметнува терминот „демнење“ кој се објаснува на повеќе начини: подолго време неовластено следење, прогонување или друг начин на мешање во личниот живот на друг, злоупотреба на користење на личните податоци, со користење на телекомуникациски или други средства за комуникација и сето ова да предзивика чуство на несигурност, став, вознемереност, сооопштија од Министерството за правда. Велат дека со измените се предвидуваат парични казни, но и казна затвор до три години.

МВР ја затвори групата, но соопшти дека во меѓувреме следи слична група на социјалната мрежа.

Полицијата уапси четири лица, две од Битола и по едно од Штип и Велес.