Домашните салами се направени од увозно месо

Добивај вести на Viber

Иако производство и извозот на преработки од месс растат, месната индустрија останува зависна од увозот. Над 90 отсто од говедското и 50 отсто од свинското месо за месни преработки се увезува, пред се поради намалениот број на добиток. Како што велат од Стопанската комора на Македонија, зголемување на увозот има кај свинското и живиното месо, а благо намалување кај говедското месо.Според Васко Ристовски  од Комората, сточарското производство бележи негативни резултати минатата деценија. „Според статистичките податоци, бројот на говедата е на исто ниво, односно околу 250 илјади во изминатите 10-тина години со благи отстапувања, а има драстично намалување во овчарството каде во 2000 година имаше еден милион и триста, а сега едвај 600 илјади овци. Намалување има и кај свињарството од 250 милијади во 2000 година, до 176 илјади свињи сега. Намалување има и кај живинарството“, вели Ристовски. Во однос на забраната за продажба на однапред сомелено месо, од Комората се надеваат дека новиот правилник нема финансиски да ги оптовари компаниите и потрошувачите. Според правилникот, кој стапи на сила на први септември, во маркетите и месарниците смее да се продава само  пакувано мелено месо од специјализиран преработувач, односно е дозволено месото да се меле пред купувачот и на негово барање.