Домашното жито се откупи, што понатаму?

Добивај вести на Viber

Финишира откупот на домашното жито. Според податоците од министертсвото за земјоделство, шумарство и водостопанство досега е откупена речиси цела пченица, над 90 отсто од родот. Но иако оваа година се очекуваше рекордни  приноси и но и квалитетбо жито, жетвата потфрли. Количини и приноси ќе има, но со лош квалитет. Високите температури и африканскиот дожд го уништија квалитетот на пченицата. Мелничарите велат дека тоа не е случај само во Македонија туку во целиот регион, но кај нас било поизразено. - Оваа година родот е со лош квалитетит кој не ги задоволува критериумите за нашето производство. Но тоа не е само кај нас туку во целиот регион е таква состојбата, само кај нас е за нијанса полошо, оти земјите од регион имаат поголеми површини под жито. Во однос на количините, тие се поголеми од лани, вели Николчо Ѓорѓиев, претседател на мелничко-пекарската групација при СКМ Ваквиот лош квалитет на пченица им создаде  проблем и на земјоделците, бидејќи наместо договорените цени, дел од мелничарите има плаќале пониски енаи заради лошиот квалитет, а на некои дури и не им ја откупувале. Не се почитуваат ниту договорените цени. Беше договорено дека трета класа ќе се откупува по 13 денари, па за 14 денари за втора и за прва класа пченица 15 денари за килограм. На терен се откупува по 11 денари за килограм, што е катастрофално ниска цена. Дел од мелничарите дури не сакаа да откупуваат од енкои земјоделци поради лошиот квалитет, вели Живко Стојковски земјоделец од битолско И мелничарите потврдуваат дека имало поместување во цените, но дека тоа не е намерно, туку поради лошиот квалитет. - Со цените реално се случи мало поместување бидејќи се појави низок квалитет на пченицата во одредени региони, и нормално тоа е причина за непочитување на она што се договаравме, но тоа е се резултат на квалитеот на пченицата. Морам да напоменат дека тоа не е никаква опструкција од страна на мелничарите или нешто слично, објаснува Ѓорѓиев Ваквиот лош квалитет на пченица ќе значи и производство на неконкурентно брашно. Затоа мелничарите апелираат сега кога откупот е речиси завршен да се дозволи увоз но само на пченица биодејќи во овој период на странските берзи пченицата има ниска цена. На тој начин комбинирано со македонската пченица  ќе произведат конкурентно брашно, што на крајот ќе резултира со намалување на цената на лебот. -Ни веќе планираме да го предложиме тоа на минстесрството за земјоделство, сега кога откупот е веќе завршен, з се укине мерката за увоз но само на пченица, а мерката за брашно да остане бидејќи имаме сеуште непродадено брашно и големи залихи. Кога ќе се стабилизира и пазарот со брашно може да се трген и таа мерка. Поскапување на лебот нема да има оти ако навреме се увезе пченица по евтина цена. Оваа пченица што ние сега ја купивме кога ќе ја поделиме со таа што ќе ја увеземе, ќе добием средна цена од која може да се произведе поевтино брашно и автоматски поевтин леб, вели Ѓорѓиев Кога ќе се укине заштитната мерка? Но, иако веќе се создадени услови за укинување на заштитната мерка барем за пченицата, од ресорното министерство сеуште не прецизираат кога ќе се кренат увозните рампи. Остануваат на ставот дека мерката ќе трае колку што е потребно, односно до стабилизација на пазарот. Наспроти тоа, од српското минситерство за земјоделство, велат дека Македонија ги поминала сите рокови, се прекршил и договорот на последниот состанок на ЦЕФТА. Порачуваат дека во следните неколку дена Македонија не ја повлеќе меркаѕа, ќе бидат принудени да воведат реципрочни мерки за увозт на македонски производи. -На состанокот на ЦЕФТА беше јасно кажано дека Македонија ги прекршила правилата. Тогаш се договоривме дека до 15 август ќе трае мерката, помина 20 дадовме уште еден рок помина и тој. Сметавме дека проблемот ќе се надмине на институционален план, но од ваша страна нема слух. Засега нема никакво ограничување за македонските производи, но ќе бидеме принудени да на тоа доколку македонската Влада не ја укине мерката во следните неколку дена. Не можам точно да прецизиран за колку дена ќе биде тоа, но сепак набрзо. Не можеме и ние да чекаме оти сме притиснати од нашите земјодлци, и ние трпиме штети откако Македонија ја воведе оваа мерка. Контрамерките се веќе подготвени, не можам да кажам што содржат, но доколку макеоднската влада не попушти ние ќе поднесеме барање за одлука на Влада за спорведување на контра мерки. Се надевам дека нема да дојде до тоа, бидејќи и ние не сакаме да изгубиме долгогодишен трговски партнер, затоа сме и во постојан контакт со вашиот министер за земјоделство Љупчо Димовски, изјави за Фактор, Данило Голубовиќ, државен секретар во министерството за земјоделство во  Србија Упатените во состојбата коментираат дека мерката за ограничен увоз на пченица и брашно би се укинала кон средината на септември. Но се поставува прашањето дали Србија ќе го толерира тој рок? Од друга страна министерот Ваљон Сарачини за телевизијата Алсат изјави дека доколку Србија воведе реципрочни мерки, тогаш и Македонија ќе возврати. Ваквиот епилог ќе значи отворена трговска војна, од која двете држави ќе изгубат. Трговкста размена со Србија е . Српскиот пазар се смета за стратешки. Србија е трет по големина извозен партнер на Македонија, и учествува со 7,48%  во вкупниот извоз. На српскиот пазар најмногу извезуваме свежи домати, вино и лекови. Минатата година извозот на флаширано вино бил во вредност од над 15 милиони евра, а од зеленчукот во вредност од околу 8 милиони евра. Надворешно-трговската размена меѓу Србија и Македонија е согласно Договорот ЦЕФТА. Лани таа достигна 777,1 милион американски долари, со негативно трговско салдо од 186,5 милиони долари. Покриеноста на увозот со извозот изнесува 61,2 отсто.. Ј.С