24 Јуни, 2018
0.4149
    ALK 8331.04    0.37%     BESK 9899    1.01%     COMA 306    0%     GRNT 848.09    2.11%     KMB 5322.64    1.79%     MPT 43620.21    5.11%     MTUR 4790.91    1.94%     OHB 6376.92    -0.37%     OKTA 4747    9.98%     POPK 15    7.14%     RMDEN16 95.5    0%     RMDEN17 95.6    0.21%     RZLV 82.6    1.98%     RZUS 149.5    6.03%     STB 981.83    1.27%     STBP 896.62    0.28%     STIL 153.87    3.97%     TETE 2299.91    0.45%     TNB 13946.7    1.16%     TPLF 1113    -9.95%     TTK 1030.25    2.55%     UNI 2618.83    8.01%     ZILU 262.98    2.73%

Досие Вес Мичел - Дипломат булдожер или мека рака?

Објавено во: Анализа 13 Март, 2018

Кој всушност е Вес Мичел, новиот функционер во Стејт Департментот на САД? Вес Мичел доаѓа на истата позиција која до неодамна делумно ја вршеше Брајан Хојт Ји како заменик државен секретар задолжен за Југоистична Европа и е назначен на функцијата во 12 октомври 2017 година. Попрецизно Мичел го доби истото место кое повеќе години го водеше Викторија Нуланд, кадар во Стејт Департментот кој најмногу резултати забележа во администрацијата на Барак Обама, особено додека државен секретар беше Хилари Клинтотн. 

 Мичел е најавуван како дипломат булдожер кој треба да даде јасен пат за конечно решавање на спорот за името како претставник на САД, најпрво со денешната посета на Македонија, а потоа и во Атина в четврток. Сепак, неговото „тазе“ назначување, како и долгите години поминати во невладиниот сектор укажуваат на еден сосема поинаков вид на американски дипломат кој повеќе припаѓа на професорската и аналитичката фела, отколку на некаков моќен булдожер кој би имал доволно сила, моќ, знаење и искуство да спроведе една таква мисија за која досега пишуваа повеќето медиуми, лесно споредувајќи го со Хојт Ји или со Нуланд, и двајцата доста моќни играчи кои имаа деликатни мисии во Македонија и претходно во Украина.

Новиот дипломат ги застапува интересите најпрво на претседателот Доналд Трамп, како и актуелниот американски државен секретар Рекс Тилерсон за која пак во САД дел од јавноста има сомнежи дека не се согласува целосно со Белата куќа, а има можност и да си даде оставка ако се зголеми притисокот и некоординацијата. Инаку Тилерсон е поранешен директор на Ексон Мобил за нивните операции во Русија и токму таа конекција го стави во немилост на дел од американските медиуми и разузнавачка заедница која води своја истрага за наводна соработка со руските државни служби при американските претседателски избори. 

Вес Мичел поминал 12 години како еден од челните луѓе на тинк-тенк организацијата Центар за анализа на европски политики CEPA, од кои 8 бил главен извршен директор и претседавач на бордот на директори, како и задолжен за одделението за развој, со главни канцеларии во Варшава, Полска и Вашингтон, САД.

Претежно CEPA се занимава со прашања во Средна Европа во земји како Чешка, Полска, Словачка, Унгарија, а помалку со Источна Европа и Балканот. Вес Мичел е доктор на политички науки од Фрај Универзитетот во Берлин. За него се смета дека голем дел од кариерата ја поминал во неутрализирање на руското влијание во Источна Европа и дека се застапува за проширување на НАТО со изградба на силни односи меѓу САД и државите од источниот блок, како и со Балканот.

Во таа смисла на неговата агенда сигурно е Македонија да го надмине спорот за името со Грција и да стане членка на НАТО, но на кој начин ќе го претстави и води тој процес останува засега да процениме само според неговата досегашна кариера и искуство, како и од понатамошните активности во Скопје и Атина.

Автор: Христијан Станоевиќ

Можеби ќе ве интересира

НЕВОЗМОЖНА МИСИЈА: Со просечна плата до нов автомобил?

НЕВОЗМОЖНА МИСИЈА: Со просечна плата до нов автомобил?

Колку пари ќе собере државата од повисокиот персоналец и зошто и требаат

Колку пари ќе собере државата од повисокиот персоналец и зошто и требаат

Колку пари ќе не чини првата 30 годишна државна обврзница?

Колку пари ќе не чини првата 30 годишна државна обврзница?

Што ги зголеми заштедите: Банките чуваат 5,6 милијарди евра

Што ги зголеми заштедите: Банките чуваат 5,6 милијарди евра

Потрошувачките и станбените кредити забрзано растат: Колку им должиме на банките

Потрошувачките и станбените кредити забрзано растат: Колку им должиме на банките

Ексклузивно: Владата ќе наплаќа данок на каматите на заштедите, а еве за колкави приходи ќе плаќаме повисок „персоналец“

Ексклузивно: Владата ќе наплаќа данок на каматите на заштедите, а еве за колкави приходи ќе плаќаме повисок „персоналец“

СЕ КРЧКА ЗАКОНОТ: Колкави треба да ви се приходите за да плаќате повисок данок?

СЕ КРЧКА ЗАКОНОТ: Колкави треба да ви се приходите за да плаќате повисок данок?

Како „Кам Маркет“ го изеде “Тинекс“?

Како „Кам Маркет“ го изеде “Тинекс“?

Како „газат“ големите ланци на супермаркети?

Како „газат“ големите ланци на супермаркети?