ДОСИЕ ВОИСЛАВ ШЕШЕЉ: од живот на железничка станица до Хаг и враќање на политичката сцена!

Добивај вести на Viber

Идеологот на Голема Србија и еден од најживописните и контроверзни политичари од просторите на поранешна Југославија, Воислав Шешељ е пуштен на привремена слобода. Опасен, но и забавен, дури и безобразен, вешт во говорот, негов најголем простор за ги изложи идеите му беше токму Хашкиот суд. Хашкиот трибунал ја донесе одлуката за ослободување на Шешељ, откако Србија понуди гаранција за негово пуштање на слобода. Челниците на Шешељовата Радикалната партија најавуваат негово враќање на политичката сцена. Аналитичарите проценуваат дека ослободувањето на Шешељ во Хаг нема да предизвика политички турбуленции во земјата и дека целиот процес ќе заврши како статус кво аранжман.  Кој е Воислав Шешељ Восилав Шешељ е роден во Сараево, Босна и Херцеговина на 11 октомври 1954 година. Во неговата биографија е забележано – српски политичар, претседател на Српската радикална партија и доктор на правни науки. Проф. Д-р Воислав Шешељ е еден од основачите и претседател на Српската радикална партија од нејзиното основање, во 1991 година. Повеќе од 10 години е избиран за пратеник во Народното собрание на Србија и во собранието на Сојузна Република Југославија. Четири пати бил кандидат за претседател на Република Србија. Шешељ ја извршуваше функцијата потпретседател на Владата на република Србија (1998 - 2000), а во периодот од 1996 - 1998 бил претседател на општина Земун. Потекло на Шешељ Семејство  Српско слободарско движење На 23 јануари 1990 година го основа српското слободарско движење.На казна затвор по втор пат е осуден на 02 октомври 1990 година, поради обид за рушење на Куќата на цвеќето и собирањето на доброволци за одбрана на Република Српска Краина. На 14 ноември 1990 година за прв пат се кандидира за претседател на Србија. На тие избори го освоил петото место, зад Слободан Милошевиќ и Вук Драшковиќ. Претседател на Српската радикална партија - Идеолог за Голема Србија Војислав Шешељ станува претседател на Српската радикална партија во Крагујевац на 23 февруари 1991 година, кога партијата е основана. За време на војните на просторите на поранешна Југославија ги застапувал радикалните националистички ставови. Со Социјалистичкатапартија на Слободан Милошевиќ неколку пати бил во коалција на власт (1998 - 2000) и ја подржал нивната малцинска влада (1992 - 1993), додека во останатиот период бил во опозиција. За цело време во 90-тите години од минатиот век, Шешељ настапувал со изразито националистички позиции заговарајќи ја идејата за создавање на Голема Србија. 11 години поминати во Хашкиот трибунал Од 24 февруари 2003 година Шешељ е во притвор во Меѓународниот кривичен трибунал за поранешна Југославија во Хаг, каде му се суди за убиства, нехумани дела, прогонства на политичка, расна и верска основа, истребување и напади на цивили на териториите на Хрватска и Босна и Херцеговина. Сам се бранеше во Хаг Опасен, но и забавен, дури и безобразен, вешт во говорот, негов најголем простор за ги изложи идеите му беше токму Хашкиот суд. Еве дел од неговите расправи со судијата во Хаг. „Ве молам прочитајте на српски што пишува на крајот на реченицата. На крајот сум рекол, Вие сите припадници на Секретаријатот на хашкиот трибунал може само да прифатите да ми го п..... Тоа стои во текстот“. „Господине Шешељ, Ве молам да станете. Јас да станам, па Вие не сте нормални, Вие сте белосветско ѓубре, како можам јас Вам да Ви станам, јас сум четнички војвода“. Шешељ се враќа во Србија Советот на Хашкиот трибунал одлучи привремено да го пушти на слобода обвинетиот Воислав Шешељ, откако српската Влада понуди условни гаранции за негово ослободување. Сепак, се уште не е познато какви услови за ослободувањето постави Хапкиот трибунал и дали Шешељ ќе се согласи со нив. Неговиот син Александар и неговите сопартијци од Српската радикална партија очекуваат да се слушнат со Шешељ за да видат дали ја добил одлуката. Ни тие точно не знаат што пишува во доверливите анекси на оваа одлука, со кои е условена слободата. Лидерот на српските радикали Шешељ е во притвор во Хашкиот трибунал цели 12 години, но пред еден месец му беа откриени метастази на рак на црниот дроб, а лекарите оценија дека неговата здравствена состојба е животно загрозувачка. Минатата година Шешељ беше опериран од рак на дебелото црево. Доколку тој ја одбие одлуката на Трибуналот за привремено ослободување, тогаш Хаг ќе донесе одлука за натамошните чекори. Шешељ: Во Србија доаѓам за да се одмаздам, а не за да се лекувам „Кога ќе дојдам во Србија, нема да се занимавам со своето лекување, туку со сите сили ќе почнам да се одмаздувам“, порача Воислав Шешељ во Хашкиот трибунал. Со оваа закана, како што пишуваат српските медиуми, Шешељ додал дека нема да прифати ничија гаранција, ниту било какво условување. Единствено што го интересирало е Трибуналот да го ослободии да го пушти дома. Во иделогијата за Голема Србија Шешељ ја смести и Македонија Поранешниот лидер на Српската радикална партија Воислав Шешељ потврди дека имал за цел создавање на Голема Србија, во која би влегле „српска Босна, српска Херцеговина, српска Македонија, српска Црна Гора“ и голем дел од Хрватска.  Шешељ овие зборови ги искажа за време на судењето на поранешниот лидер на босанските Срби Радован Караџиќ во Хашкиот трибунал, каде се појавил во својство на сведок на одбраната. „Тоа беше и остана моја генерална цел, но не беше генерална цел на Србија и српското раководство. Тоа е цел на Српската радикална партија, но не и на други партии“, рече Шешељ одговарајќи на прашањето на обвинителството. Р.Ф