МНОГУ ПОПУЛАРЕН САЛОН ЗА МЕБЕЛ ТРАЈНО Е ЗАТВОРЕН: Го презема компанија добро позната во Југоисточна Европа

Добивај вести на Viber

Продавницата за мебел „Мима“ преку својот официјален Фејсбук профил ги известила своите клиенти дека во моментов е во тек попис, заради што не работат, а веќе од денеска трајно ќе бидат затворени сите продавници за мебел „Мима“.

Според информациите на хрватските портали, пулската фирма Мима е продадена на компанијата Emmezeta. Договорот за продажба бил потпишан на почетокот на септември, а оваа промена доведе до бран отпуштања на одредени групи работници.

Многу вработени, главно на повисоки позиции, се обратиле до своите адвокати во потрага по совет за нивните права од работен однос. Во меѓувреме, дел од нив неформално побараа привремени вработувања во Еmmezeta додека не најдат нови решенија, иако претходно работеа на различни позиции во МИМА.

Еmmezeta е компанија специјализирана за продажба на мебел, домашни апарати, и производи за уредување на домот. Компанијата нуди широк спектар на производи, вклучувајќи мебел за дневни соби, спални, кујни, како и бела техника, електроника и декорации за домот. Еmmezeta е добро позната во Југоисточна Европа и има присуство во неколку земји, како Хрватска и Србија, каде што поседува малопродажни објекти и онлајн продажба.

Компанијата е основана во 1998 година и првично е развиена како малопродажен бренд во Франција. Подоцна, таа се прошири на пазарите во Југоисточна Европа, каде што стана популарна заради својот широк избор на мебел и производи за домот по пристапни цени.