ДПА обвинува – ДУИ и ВМРО-ДПМНЕ го поставија цар Душан

Добивај вести на Viber

Споменикот на цар Душан и денеска ги раскара пратениците од албанскиот политички блок на собранискиот Комитет за односи меѓу етничките заедници. Копјата се кршеа околу тоа, кој дозволил да биде поставен овој споменик . Пратеникот на ДПА ,Орхан Ибраими, обвини дека ДУИ дале дозвола за споменикот, иако додава, цар Душан бил деспот кој убивал Албанци. Ибраими побара Комитетот да разговара за споменикот, за тепањето на албанските деца, и употребата на албанскиот јази, а нагласи дека растат етничките тензии во земјава. Во земјава, вели тој, со закон е уредено казнување за фрлање на отпушок на улица, па затоа не може да верувам дека Владата не може да најде кој го поставил споменикот на деспотот цар Душан. И Пратеникот Беким Фазлиу  ги обвини пратениците од ДУИ дека гласале во корист на пратеници од српската заедница. „Конечно се откри кој го донесе Душан, деспотот на Албанците во Скопје. ДУИ и ВМРО-ДПМНЕ го сторија тоа“, истакна Фазлиу, обраќајќи се кон претседателот на Комитетот, Ермира Мехмети. Мехмети пак се правдаше дека гласале против, бидејќи немале материјали за предлогот на ДПА. Таа не го спомена споменикот на српскиот цар, но оцени дека сите Албанци со право имаат дилеми за овој случај. Споменикот на цар Душан се уште го чува полиција. Од МВР и по две недели од обидот за негово уривање, нема одговор за тоа кој го поставил и кој сакаше да го руши споменикот.