Добивај вести на Viber
Градските власти ќе го помогнат Јавното претпријатие за сообраќај Скопје, со 200.000 литри Еуродизел БС, што Владата ги отстапи за Градот Скопје од задолжителните резерви на нафта и нафтени деривати. Следната недела Предлог- Одлуката која треба да се донесе поради намалената ликвидност на претпријатието, ќе биде ставена на гласање на седницата на Градскиот Совет. Од ЈСП „Скопје“, велат дека на овој начин ќе им се намалат трошоците, а доделната нафта е за покривање на три месеци. Акцизата и трошоците за испорака, односно транспортните и манипулативните трошоци за преземање на отстапените количини на нафтени деривати ќе бидат на товар на ЈСП “Скопје“.
Во образложението од Градот стои дека нафтените деривати се отстапени за користење како гориво за извршување на јавна дејност – превоз на патници во јавниот градски и приградски сообраќај од страна на ЈСП “Скопје“.