Државна работа добија 33 деца без родители

Добивај вести на Viber

33 решенија за работа во државната администрација без доделени на штитениците кои до својата 18-годишна возраст имале статус на деца без родители и родителска грижа. Нив прво ќе ги прифати Министерството за труд и социјална политика од каде треба да бидат преземени од други органи на јавната управа согласно нивните потреби од нов кадар. За вработувањето годинава се издвоени 9,5 милиони денари од Буџетот. Решенијата за работа ги подели лично премиерот Никола Груевски, кој заедно со министерот за труд и социјална политика Спиро Ристовски, посочи дека континуирано се работи на подобрување на условите на децата без родители и родителска грижа. Како позититивни мерки ги оцени зголемувањето на средствата кои тие ги добиваат при напуштањето на домот од 300 на три илјади евра, обезбедувањето станови, стимулација и поддршка за студирање со 24 илјади денари месечно, и сега, како што истакна, последниот чекор за решавање на работното прашање на овие луѓе. Според најавите, до почетокот на наредната ќе бидат објавени уште два огласи и вработени сите лица кои ова прашање не го решиле во изминатите дваесеттина години. Огласот за вработувањето беше објавен на 10 јануари 2013 година, а на него се пријавиле вкупно 84 лица со ваков статус.