Државната компанија ЕЛЕМ ќе ја преземе работата на Топлификација?

Добивај вести на Viber

Според, засега непотврдени информации до кои дојде Фактор, државните електрани се пријавиле на јавниот оглас на Регулаторната комисија за енергетика за добивање лиценца за производство на топлинска енергија. Рокот за пријавување на огласот на регулаторната комисија за енергетика истече вчера во 16 часот. Регулаторите вчера потврдија дека примиле апликација од Топлификација „Дистрибуција на топлина“ и „Балкан Енерџи груп“. Според наши информации, компанијата „Балкан Енерџи Груп“ се јавила на огласот за сите три лиценци, Топлификација само за делот дистрибуција, додека според последните информации Државните електрани се јавиле на огласот за добивање лиценца за производство на топлинска енергија. Доброупатени извори за Фактор велат дека ЕЛЕМ се јавиле на огласот како бекап варијанта за „Балкан Енерџи Груп“, бидјеќи компанијата иако конкурирал на огласот сепак, според непотврдени информации немала доволен број на вработени за да ја извршуваат целата работа за која пројавиле интерес по однос на огласот. Во понеделник се очекува регулаторот официјално да ги соопшти имињата на компаниите кои се јавиле на огласот. Конечната одлука ќе биде донесена до крајот на месецов, односно до крајот на календарската 2012, велат од Регулаторната комисија за енергетика. Скопје нема да остане без парно греење Парно греење ќе има потврдија вчера од Топлификација. Долгот кој компанијата го направила кон Макпетрол до 30 ноември е платен. Останатиот дел ќе се плаќа сукцесивно. „До 20 јануари ќе се раздолжи целосно за количина на гас и мазут која ќе ја набави до крај на годинава „Граѓаните нема да останат без греење“ изјави Драган Макенаџиев, Топлификација. УО на компанијата вчера заседаваше испракајќи ценовно чуствителна информација на Македонска берза. „Во последните шест години компанијата реализираше најсовремен систем за управување со топлинските станици во регионот. Имајќи го в предвид и фактот дека дистрибуцијата на топлинска енергија е најсуптилна дејност во топлификационите системи, УО на Топлификација одлучи друштвото за дистрибуција на топлинска енергија да конкурира само за добивање на лиценца за оваа енергетска дејност“, стоеше во информацијата која Топлификација ја објави на Македонска берза, како ценовно чуствителна информација. За лиценцата производство на топлина, Топлификација во моментот нема финасиски капацитет, а додека за лиценцата снабдување со топлинска енергија, која во моментов ја имаат трите друштва за снабдување со топлинска енергија формирана од Топлификација останува обврската истите друштва да ја вршат дејноста и во следниот период, доколку нема заинтересирани субјекти, стоеше во соопштението на Топлификација. Топлификација се раздолжи и на Макпетрол Макпетрол преку писмено соопштение потврди дека ќе продолжат со испорака на мазут и природен гас. Во последниве три дена Топлификација АД Скопје плати вкупно 165 милиони денари или 2,6 милиони евра за испорачаните количини мазут и природен гас, со што го намали долгот на 67 милиони денари или 1 милион евра. „Макпетрол АД Скопје ќе продолжи со редовно снабдување на Топлификација АД Скопје, но истовремено ќе ги следи дневните испораки на енергенси кон Топлификација и дневните уплати од страна на Топлификација кон Макпетрол, бидејќи проблемот со финансирањето на Топлификација не е трајно решен. И.М.