„ДУИ 20 ГОДИНИ ПРИДОНЕСЕ ДА СЕ ИСПРАЗНИ КУМАНОВО ОД АЛБАНЦИ“: Вреди со остра критика „без надеж дека еден ден ќе биде добро“

Добивај вести на Viber

Коалицијата „Вреди“, кои се дел од владејачкото мнозинство, денеска со остра реакција кон лидерот на Демократската унија за интеграции, Али Ахмети, но и кон останатите партии кои се дел од опозициската коалиција заедно со ДУИ.

- Во отсуство на внатрешни кадровски и програмски реформи и за одржување на кондиција нивните мал број на гласачи кои што се очајни и изморени НЕдемократската Унија за ДЕЗинтеграција и сателитите на оваа партија, Зиадин Села, ја започнаа операцијата за поделба на нивните патишта.

Едниот организира половично полни сали, а другиот избира што помали простории и изнесува безвредни мислења дека институциите во нивните очи се гледаат како воен плен кој може да се бара за избори кога ќе им текне! - пишуваат во нивното соопштение испратено до медиумите. 

Според „Вреди“, ДУИ го носи печатот на неуспехот во Куманово. 

- Али Ахмети повеќе од 20 години го користеше Куманово како полигон за своите експерименти и за одржување на удобноста на својата фотелја.

Каде беше ДУИ, кога се случи Сопот, да ги заштити Кумановците? Каде беше ДУИ кога гореше Диво Населје?
Смртта на Реџаил Ќерими го носи и печатот на ДУИ каде дури и супер вештачењето докажа дека тој не е виновен во случајот Алфа. 

Каде беа Ахмети и ДУИ да се борат за неговиот поранешен соборец да ги добие правдата и слободата? - паршуваат од „Вреди“.

Но тие не затануваат тука, туку напротив бараат правда и за малиот Алмир кој загина во Куманово. 

- Каде беше Ахмети кога малиот Алмир беше усмртен од Бобан Илиќ во Куманово и делото преку ноќ од убиство со умисла се претвори во сообраќајна несреќа со смртни последици?

ДУИ 20 години придонесе енормно да се испразни Куманово и околината од младите Албанци без надеж дека еден ден ќе биде добро - нагласуваат од „Вреди“. 

Потоа навраќаат на уште еден пример. 

- ДУИ 20 години ги лажеше родителите, професорите и учениците дека ќе ја градат гимназијата „Сами Фрашери“ во Куманово. Тоа не се случи две децении, додека коалицијата ВЛЕН не ја разбуди локалната власт, за веднаш да започне процесот на изградба на ова училиште - велат од владејачката коалиција. 

Воедно од „Вреди“ се осврнува на други значајни сегменти, како што е договарањето владина коалиција. 

- Собата 161 им стана кошмар, во треска се да не се појават СМС пораките во јавноста како доказ за нечесните понуди што ги имаа да влезат во Влада на местото на ВРЕДИ со половина министерства, без спикерот на Собранието и со ветување за поддршка на терен да се изберат Македонци за градоначалници на општините во Струга и Кичево на локалните избори во 2025 година. Објавувањето на овие постоечки сведоштва го означува крајот на оваа застарена политичка елита.

Коалицијата ВЛЕН смета дека наместо предвремени избори, е идеално време за одговорност за досегашното лошо владеење. ВЛЕН е ПРОМЕНАТА за Албанците! - истакнуваат на крајот од соопштението од коалицијата „Вреди“.