ДУИ бара повеќе функционери затоа што освоила повеќе пратеници

Добивај вести на Viber

Една од причините зошто не може да дојде до побрз договор помеѓу ДУИ и СДСМ за формирање на ново владеачко мнозинство е тоа што „Интегративците“ бараат повеќе функционери во Владата и во другите извршни органи со изговор дека по предвремените парламентарни избори сега имаат повеќе пратеници во однос на претходните од 2016-та.

„Во однос на прашањето за премиер Албанец, засега кружат само шпекулации од партиските кулоари. Според едни, ДУИ наводно инсистирала на моделот 3 години премиер од СДСМ, една од ДУИ, а наводно се разговарало и околу редоследот (кој прв да ја презеде премиерската палка). Според други, тоа барање било во сенка на разговорите за зголемена партиципација во власта на кадри од ДУИ, соодветно на изборните резултати“, велат информациите на кои се повикува Дојче Веле.

СДСМ ги продолжува сериозните разговори за формирање стабилно парламентарно мнозинство и за владина коалиција со полн, четиригодишен, стабилен мандат, според последното соопштение, кое е слично и на претходните. Во својот допис тие инсистираат дека не треба да има национализам и дека тој е поразен. Останува да се види дали Социјалдемократите ќе го прифатат барањето од ДУИ за ротационен премиер, односно три години плус една, како што пишуваа медиумите.