ДУИ „РАСПАЛИ“ ПО МИЦКОСКИ, НО „УДРИ“ И ПО ЗАЕВ - зошто интегративците се расправаат со поранешниот лидер на СДСМ
Објавено во: Македонија 03 Јуни, 2023
Демократската унија за интеграција, преку едно неочекувано соопштение, денеска распали и по ВМРО-ДПМНЕ, но и кон поранешниот лидер на ССМ, Зоран Заев, со кого долги години заеднички ја практикуваа власта.
„Соочен со драстичен пад на рејтингот и недоверба на повеќе од една третина од гласачите на ВМРО-ДПМНЕ кон него, како и четири пати помал рејтинг од азилантот Никола Груевски, Христијан Мицкоски се обидува со патетичен национализам, надминат повеќе од две децении, да опстанат на политичката сцена, со копирање на поранешниот лидер на СДСМ Зоран Заев во напорите за доведување на ДУИ во опозиција и претставување како квазипатриоти.
Сите градоначалници на општините од ВМРО-ДПМНЕ се чувствуваат како Данела Арсовска, но се уште немаат храброст како Данела да го оспорат булингот што им го прави Мицкоски.
Сите гласачи на ВМРО-ДПМНЕ знаат дека Мицкоски го интересираат само бизнисот и неговите деловни партнери и дека намерно го оставил во кал целото поранешно раководство на ВМРО-ДПМНЕ, што и самиот го потврди.
Затоа, Мицкоски и по 5 години е под сенка на Груевски и падна под 320.000 гласови на парламентарни избори, што се одразува и на внатрепартиските рејтинзи каде најголем дел од ВМРО-ДПМНЕ за лидер го сметаат Никола Груевски, а не Христијан Мицкоски“, се вели во острото соопштение од ДУИ испратено до медиумите.