Два пункта за фискални сметки во Скопје

Добивај вести на Viber

Државната лотарија на Македонија од денеска отвори два пункта за оставање коверти за учество во наградната игра Фискална во рака - награда без мака во центарот на Скопје: во продажниот сало на ТЕХНОМАРКЕТ во Сити Галери (со работно време секој ден освен недела од 9 - 21:00 часот) и пред продажното место ТОЛЛАКС на ул. Македонија (со работно време секој ден од 8 - 24:00 часот). Граѓаните ковертите со по 20 фискални сметки и со лист со лични податоци, со напомена За наградна игра Фискална во рака - награда без мака, можат да ги оставаат во тек на работното време на овие пунктови или во наменската кутија во зградата на МРТ. За учество во второто извлекување ковертите во наменските кутии може да се оставаат до недела на полноќ. Второто извлекување за наградната игра ќе се реализира на 27.01. 2014 - понеделник, главната награда за ова извлекување е автомобил Фолксваген Поло и 150 вредносни ваучери, во вредност од 1.000 - 60.000 денари. Извлекувања од наградната игра ќе се реализираат секој месец до крајот на 2014та година. Во сите извлекувања редовни награди се автомобил и 150 вредносни ваучери од 1.000 до 60.000 денари, а во седмото ( кое ќе се реализира на 30.06. 2014та) и тринаесетото ( кое ќе се реализира на 29.12. 2014та), покрај за редовните награди ќе се извлекува и за главните награди - стан во Скопје и продажен простор во Скопје. Во седмото извлекување за наградите стан и продажен простор ќе учествуваат и неизвлечените коверти од второто заклучно со шестото извлекување, а во тринаесетото, за извлекување на наградите стан и продажен простор ќе учествуваат неизвлечените коверти од осмото заклучно со дванаесетото извлекување, соопшти Државната лотарија на Македонија.