Двајца македонски градоначалници завршија во притвор на бугарската граница

Добивај вести на Viber

Утрово беа ослободени двајцата македонски градоначалници кои синоќа биле приведени на македонско-бугарската граница , на преминот „Станке Лисичково“. Станува збор за градоначалникот на Виница Емил Дончев и на Кочани Ратко Димитровски, објави Макфакс, кои биле приведени откако граничарите нашле  20 парчиња ловечка муниција и 100 куршуми за оружје со мал калибар. Како што објави бугарската агенција Фокус, градоначалникот на Благоевград, Атанас Камбитов, ги посетил во текот на постапката, а тие се правдале дека куршумите најдени во касетата на автомобилот биле на Бугарин чиј бил автомобилот со кој се превезувале. „Кон 19. 30 часот синоќа , на граничниот премин Станко Лесичково , во заедничка проверка на граничната полиција и Агенција е проверен излегуваше автомобил ” Цитроен ” , со македонска регистрација. Во касетата на возилото се пронајдени 20 ловечки куршуми и 1 кутија со 100 патрони калибар 22. Известен е дежурниот окружен обвинител во Благоевград и по негова наредба , на уапсените им е изречена мерка притвор од 24 часа. Двајцата мажи се македонски граѓани на 39 и 57 години“, пишува Фокус. Дончев и  Димитровски се приведени додека се враќале од форумот „Бизнис без граници“, кој се одржа во Благоевград.