Двајца странци се повредени во сообраќајна несреќа во Охрид
Објавено во: Македонија 19 Јуни, 2021
Во сообраќајна несреќа во Охрид се повредени двајца странци.
Станува збор за Романец и Молдавка. Пред три дена во 22.10 часот во СВР Охрид е пријавено дека во Болницата „Св.Еразмо“ во Охрид со тешки телесни повреди се донесени М.Ц.(63) од Романија и Т.Ц.(60) од Р.Молдавија. Околу 18.00 часот М.Ц., кој управувал моторно возило четирицикл „цфмото“, со охридски регистарски ознаки, во кое сопатничка била Т.Ц., на место викано „Крстец“ кон селото Велестово изгубил контрола над возилото и излетале надвор од коловозот. Полицијата изврши увид на местото на настанот.