ДВОТРЕТИНСКО МНОЗИНСТВО: Професорките Каракамишева и Најчевска со спротивставени ставови
Објавено во: Македонија 21 Октомври, 2018
За тоа што е двотретинско мнозинство, свои мислења кажаа професорките Мирјана Најчевска и Тања Каракамишева.
Прво Каракамишева го оспоруваше гласањето во петокот за уставни измени. Таа објасни дека за да гласањето биде важечко потребни се 81 глас. Најчевска на тоа вели дека не секој треба да биде професор.
„Мислам дека е редно за одредени професии да се прави тест на елементарна интелигенција. Навистина не знам како одредени луѓе завршуваат факултет и магистрираат и докторираат. Тоа е посебна тема. Меѓутоа не смее да се дозволи очигледно глупи луѓе да бидат професори. Значи има неколку вида мнозинство со кое се донесува одредена одлука. Еве, апсолутно мнозинство од 120 е 61 (кога вкупниот број е 120). Ако е 60 не е мнозинство нели туку е еднакво или пата -пата. За да стане мнозинство треба на едната страна да има барем еден човек повеќе, а на другата барем еден помалку од 60 како бројка на еднаквост. Просто мнозинство е мнозинство од присутните. На седница биле присутни 90 и мнозинство би било 46. Двотретинско мнозинство секогаш се пресметува од вкупниот број. Значи не две третини од присутните туку од сите 120 пратеници. Двотретинско мнозинство од 120 е кога две третини од тие 120 или 80 души се на една страна а 40 на друга. Нели 80 е повеќе од 40 и заради тоа е мнозинство, а во исто време 80 претставува две третини од 120 и затоа е двотретинско. И јас навистина мислам дека мојот универзитет треба да размисли за воведување на тестови за интелигенција“, пишува Најчевска.
Каракамишева тврди дека 2/3 мнозинство секогаш било и ќе биде 81 пратеник.
„Уставот не вели две третини од пратениците, туку 2/3 мнозинство од вкупниот број на пратеници. Како што апсолутното мнозинство значи 60+1=61 така и 2/3 или квалификувано мнозинство значи 80+1=81 пратеник“, наведува Каракамишева.
На гласањето од 117 присутни, „За“ гласаа 80, а немаше против, ниту воздржани.Осум пратеници од опозицијата овозможија да има двотретинско мнозинство.
Претходно, премиерот Зоран Заев повика на помирување за 27 април, но и кажа дека е верник и дека верува во чуда.
Можеби ќе ве интересира
ОДГОВОРИТЕ ОД ПАРТИИТЕ ГИ ЧЕКААТ ДО ВТОРИ МАЈ, ПОТОА ЌЕ ГИ ОБЈАВАТ ЗА ГРАЃАНИТЕ САМИ ДА ОДЛУЧАТ ЗА КОГО ЌЕ ГЛАСААТ: Шанса за Центар со 18 прашања до партиите
КОЈА Е ГОРДАНА СИЛЈАНОВСКА ДАВКОВА КОЈА ВО ПРВИОТ КРУГ ОСВОИ НАД 350 ИЛЈАДИ ГЛАСОВИ? Втор пат ја трча претседателската трка, првиот пат изгуби од Пендаровски
ТИЕ ШТО МОЖАТ ЗА ПРАЗНИЦИТЕ ЌЕ СИ ИЗВАДАТ МИНИ ОДМОР: Први мај паѓа во среда, а велигденските неработни денови почнуваат од петок
ФАКТОР НА ДЕНОТ: Ковачевски демантира дека се спрема бојкот за претседателските избори
ПЕТРОВСКА ВЕЛИ ДЕКА ВМРО-ДПМНЕ ГО ЗАМЕНИЛА ИМЕТО МАКЕДОНИЈА ВО СТАТУТОТ СО „ДРЖАВАТА“: Стојаноска сe закани дека ќе ги фрли листовите
КАСАМИ: Ќе има европска влада во која коалицијата „Влен“ веќе е најавено дека ќе биде дел
БУГАРСКИ ДНЕВНИК: Странска интервенција од неочекуван правец ги смени македонските избори
ЛЕВИЦА: Ќе изградиме споменик за бранителите од Вејце
ДЕМИРИ: Ако Клиниката за токсикологија не била осигурaна, менаџментот треба да преземе одговорност
