ДЗС: Пад на индустриското производство во мај

Добивај вести на Viber

Индустриското производство за мај годинава бележи пад од 2,8% во споредба со истиот месец лани, покажаа податоците на Државниот завод за статистика. Гледано по сектори, индустриското производство во секторот Рударство и вадење на камен во мај 2013 година, во однос на мај 2012 година, бележи пораст од 9.1%, во секторот Преработувачка индустрија бележи опаѓање од 9.3%, а во секторот Снабдување со електрична енергија, гас, пареа и климатизација пораст од 34.3%. Според главните индустриски групи, производството во мај 2013 година, во однос на мај 2012 година, бележи пораст кај Енергија за 20.2 % и Tрајни производи за широка потрошувачка за 13.4 %, додека опаѓање бележи кај Интермедијарни производи, освен енергија за 9.6%, Капитални производи за 6.5%, и Нетрајни производи за широка потрошувачка за 4.7%. Индустриското производство во периодот јануари -мај 2013 година , во однос на истиот период лани пак бележи раст од 1,7%.