Добивај вести на Viber
Раководителите на деловните субјекти оцениле дека состојбата во нивните претпријатија во третото тримесечје годинава е понеповолна во однос на претходното, како и во однос на третиот квартал лани, објави Државниот завод за статистика.
Раководителите оцениле дека нивната финансиска состојба во третото тримесечје од 2012 година е поповолна во однос на второто тримесечје од 2012 година, а очекувањата за економската состојба во наредниот период се на исто ниво како во претходното тримесечје.
Оценката за количината на залихите во текот на третото тримесечје од 2012 година е намалена во однос на второто тримесечје од 2012 година, а очекуваните порачки во наредниот период во однос на вториот квартал од годинава се дека се малку понеповолни, како и очекувањата за бројот на вработените.
Во третото тримесечје од 2012 година, во споредба со претходното тримесечје, оценката за очекувањата за продажните цени во наредните 3 месеци е дека ќе се зголемат.
Најголемо влијание на ограничувањето на економската состојба на деловните субјекти во текот на третото тримесечје од 2012 година имале слабата побарувачка на купувачите со 35,1 отсто, зголемената конкуренција со 16,3 отсто и зголемената понуда на пазарот со 15,3 проценти.